💥मुख्यमंत्री देवेंद्र फडणवीस यांच्या प्रमुख उपस्थितीत पोलीस शौर्य पदक,राष्ट्रपती पदक प्रदान💥
✍ मोहन चौकेकर
मुंबई:-राष्ट्रपती पोलीस शौर्य पदक, राष्ट्रपती पोलीस पदक आणि गुणवत्तापूर्ण सेवेसाठीचे पोलीस पदक मिळालेल्या राज्य पोलीस दलातील अधिकारी, कर्मचारी यांना राज्यपाल विद्यासागर राव यांच्या हस्ते ही पदके प्रदान करण्यात आली.
महाराष्ट्रचे राज्यपाल विद्यासागर राव यांच्या हस्ते व मुख्यमंत्री देवेंद्र फडणविस यांच्या उपस्थितीत राष्ट्रपती पोलीस शौर्य पदक, राष्ट्रपती पोलीस पदक आणि गुणवत्तापूर्ण सेवेसाठीचे पोलीस पदक पोलीस अधिकारी-कर्मचाऱ्यांना प्रदान करण्यात आले यावेळी गृहराज्यमंत्री डॉ. रणजित पाटील आणि दीपक केसरकर उपस्थित होते.
राज्य पोलीस मुख्यालयात झालेल्या या पोलीस अलंकरण समारंभास मुख्यमंत्री देवेंद्र फडणवीस, गृह राज्यमंत्री डॉ. रणजित पाटील, गृह राज्यमंत्री (ग्रामीण) दीपक केसरकर, गृह विभागाचे अपर मुख्य सचिव संजय कुमार, पोलीस महासंचालक सुबोध जयस्वाल आदी उपस्थित होते.
गडचिरोली जिल्ह्यात नक्षलवाद विरोधी कारवाई केल्याबद्दल घोषित राष्ट्रपती पोलीस शौर्य पदकांचे तसेच उल्लेखनीय सेवेबद्दल राष्ट्रपती पोलीस पदक व पोलीस पदके राज्यातील अधिकारी व कर्मचाऱ्यांना प्रजासत्ताक दिन व स्वातंत्र्यदिनाच्या दिवशी घोषित झाली होती. या पदकांचे वितरण राज्यपाल राव यांच्या हस्ते व मुख्यमंत्री फडणवीस यांच्या उपस्थितीत करण्यात आले.गडचिरोली मधील हिक्केर जंगल परिसरात नक्षलवाद्यांनी केलेल्या हल्ल्यात शहिद झालेल्या दोगे डोलू आत्राम व स्वरुप अशोक अमृतकर यांना मरणोत्तर शौर्यपदक जाहीर झाले होते. या शहिदांच्या कुटुंबियांना पदके प्रदान करण्यात आली....
✍ मोहन चौकेकर
0 टिप्पण्या