💥राजीनामा देणाऱ्यांमध्ये काँग्रेसच्या ८ आणि जेडीएसच्या ३ आमदारांचा समावेश 💥
✍ मोहन चौकेकरलोकसभा निवडणुका पार पडताच कर्नाटकात राजकीय भूकंप झाला आहे. कर्नाटकचे मुख्यमंत्री एचडी कुमारस्वामी अमेरिका दौऱ्यावर असताना जेडीएस-काँग्रेसच्या एकूण ११ आमदारांनी त्यांच्या पदाचा राजीनामा दिला
राजीनामा देणाऱ्यांमध्ये काँग्रेसच्या ८ आणि जेडीएसच्या ३ आमदारांचा समावेश
विधानसभा अध्यक्ष त्यांच्या दालनात नसल्याने या आमदारांनी त्यांचे राजीनामे विधानसभा अध्यक्षांच्या सचिवांकडे सुपूर्द केले असून विधानसभा अध्यक्षांनीही राजीनामे मिळाल्याच्या वृत्ताला पृष्टी दिली
कुमारस्वामी सरकारकडे काठावर बहुमत उरलं असून त्यांचं सरकार कोणत्याही क्षणी कोसळण्याची शक्यता
राजीनामा देण्यासाठी निघालेल्या या आमदारांनी त्यांचे मोबाइल फोन बंद ठेवल्याने काँग्रेस आणि जेडीएसच्या नेत्यांना या आमदारांशी संपर्क साधणं कठिण झालं होतं.
आमदारांच्या या राजीनामा नाट्यामुळे कर्नाटकात येत्या काही तासांत मोठ्या राजकीय घडामोडी होण्याच्या शक्यता वर्तवण्यात येत आहेत.
आमदारांच्या राजीनाम्यानंतर काँग्रेसने तातडीची बैठक बोलावली आहे. उपमुख्यमंत्री जी. परमेश्वर आणि डी.के. शिवकुमार यांनी ही बैठक बोलावली आहे. तसेच शिवकुमार यांनी कुणीही राजीनामे देऊ नये असं आवाहन आमदारांना केलं आहे.
असं आहे कर्नाटकचं राजकीय गणित
गेल्या वर्षी झालेल्या विधानसभा निवडणुकीत कर्नाटकमध्ये काँग्रेसचे ७० आणि जेडीएसचे ३५ आमदार निवडून आले होते. तर भाजपचे १०४ आमदार निवडून आले होते.
मात्र बहुमतासाठीचा ११३चा आकडा भाजपला गाठता न आल्याने भाजपला सत्तेपासून दूर रहावं लागलं होतं. तर काँग्रेसने मुख्यमंत्रीपद जेडीएसला देऊन राज्यातील सत्ता राखली होती.
विद्यमान विधानसभेत काँग्रेस आणि जेडीएसचे मिळून एकूण ११६ आमदार असून त्यांना एका अपक्षाने पाठिंबा दिल्याने ही संख्या ११७ वर पोहोचली आहे.
मात्र लोकसभा निवडणुका पार पडल्याने कर्नाटकात राजकीय घडामोडींना वेग आला आहे.
२२४ सदस्य संख्या असलेल्या कर्नाटक विधानसभेच्या सदस्यांची संख्या २०७ वर आणण्याचा भाजपचा प्लान आहे.
ही संख्या घटल्यास भाजपला स्वबळावर बहुमताचा आकडा गाठणं सहज शक्य होणार आहे. त्यासाठी सत्ताधारी पक्षातील किमान १६ सदस्यांनी राजीनामा देणं आवश्यक आहे...
✍ मोहन चौकेकर
0 टिप्पण्या