💥परभणी जिल्हा अन्न व औषधी प्रशासनाला आली अचानक 'आण्..णा हजारी' झोपेतून जाग...?

💥गंगाखेडात दोन किराना दुकानांवर धाड ७ लक्ष रुपयांच्या गुटख्यासह पान मसाला जप्त💥


परभणी - जिल्ह्यातील मागील अनेक महिण्यापासून झोपेचे सोंग घेतलेल्या परभणी जिल्हा अन्न व औषधी प्रशासनाला 'आण्..णा हजारी' झोपेतून अचानकच जाग आल्याचे निदर्शनास येत असून अन्न व औषधी प्रशासनाच्या अधिकाऱ्यांनी सोमवार दि.०३ फेब्रुवारी २०२० रोजी सायंकाळच्या सुमारास अचानक धाड टाकली. यात दुकान आणि गोदामांची झडती घेतली असता या झडतीत जवळपास ७ लाख रुपयांचा गुटखा आणि पान मसाला आढळून आला आहे. त्यानुसार दोन्ही दुकानदारांवर गुन्हे दाखल करून सर्व गुटखा आणि पान मसाला जप्त करण्यात आला आहे.

सोमवारी सायंकाळी गंगाखेड येथे प्रतिबंधित अन्न पदार्थच्या तपासन्या करण्यात आल्या. या तपासणी दरम्यान शहरातील माऊली किराणा या दुकानात प्रतिबंधित गुटखा व पानमसाला अवैध रित्या साठवलेला आढळून आला. तसेच त्याच्या गोडावूनमध्ये देखील गुटखा आणि पानमसाला आढळून आला.

दुसरा छापा साई 'माऊली कन्फेक्शनरी' या दुकानात टाकला. त्याठीकाणी देखील गुटखा आणि पानमसाला जप्त करण्यात आला. दोन्ही कारवायांमध्ये एकून ६ लाख २३ हजार २८९ रुपयांचा प्रतिबंधित गुटखा व इतर पानमसाला जप्त करण्यात आला आहे. या दुकानाला आता सील ठोकण्यात आले आहे. कोंडीराम गादेकर, राजकुमार डवरे व रामकृष्ण मोटे यांच्यावर अन्न सुरक्षा कायद्यानुसार गंगाखेड पोलीस ठाण्यात गुन्हा दाखल करण्यात आला. ही कारवाई सहाय्यक आयुक्त वंजारी यांच्या मार्गदर्शनाखाली सहाय्यक आयुक्त नारायण सरकटे, अन्न सुरक्षा अधिकरी अरुण तमडवार, प्रकाश कच्छवे आणि अनिकेत भिसे यांच्या पथकाने केली.