💥पुर्णा शहरात जिल्हाधिकाऱ्यांचे आदेश डावल्याप्रकरणी एका दुकानदारा विरुद्ध गुन्हा..!

💥इलेक्ट्रिक दुकान उघडे ठेवून व्यापार करणे पडले महागात💥

पूर्णा/संपूर्ण जिल्ह्यात जिल्हाधिकारी तथा जिल्हादंडाधिकारी दिपक मुगळीकर यांनी राष्ट्रीय आपत्ती व्यवस्थापन कायद्यानुसार अत्याशव्यक सेवा वगळता टाळेबंदी, संचारबंदी जमावबंदी लागू केली आहे.असे असताना महात्मा गांधी रोड वरील एका ईलेक्ट्रीक दुकान दाराने आपले दुकान परवानगी नसताना उघडे ठेवले म्हणुन त्याचे विरोधात पुर्णा पोलिस ठाण्यात गुन्हा दाखल करण्यात आला आहे.
     शेख अय्युब शेख मेहबूब या.अशोक रोड बाॅम्बे ईलेक्ट्रीक्स असे त्या दुकान चालकाचे नाव आहे.शुक्रवारी ८ रोजी दुपारी ०३-०० वाजण्याच्या सुमारास अत्यावश्य सेवेत समाविष्ट नसतानाही विनापरवानगी दुकान उघडे ठेवल्याचे बंदोबस्तासाठी तैनात असलेले पो.नि. भुमे,सपोनि धुमाळ ,जमादार वडकर, पोना. भगुरकर,पो.काॅ.पोते यांच्या निदर्शनास आले.यावरुन शेख अय्युब शेख मेहबूब यास ताब्यात घेऊन त्याचे विरोधात राष्ट्रीय आपत्ती व्यवस्थापन कायद्यांतर्गत जिल्हाधिकारी यांचे आदेश धुडकावल्या प्रकरणी पोकाॅ. विजय कडुजी रणखांब यांनी दिलेल्या तक्रारीवरून पुर्णा पोलिस ठाण्यात गुन्हा दाखल करण्यात आला आहे.तपास जमादार नितीन वडकर हे करीत आहेत.