💥पुर्णा तालुक्यातील महातपुरी ते पुनकळस पाटी रोडवरील जाणाऱ्या रस्त्यावरील पुलाची अक्षरशः पडझड...!

💥प्रशासनासह लोकप्रतिनिधींचेही दुर्लक्ष ; पुल देत आहे अपघातांना निमंत्रण💥 

पुर्णा (दि.२० जुन २०२१) - तालुक्यातील ताडकळस येथुन जवळच असणाऱ्या महातपुरी ते पुनकळस पाटी मार्गावरून जाणारा मुख्य रस्त्यावरील महातपुरी ते पुनकळस पाटी या परिसरात असलेल्या ओढ्यावरील पुलाची अत्यंत दुर्दशा झाली असुन सदरील पुलाची अक्षरशः पडझड झाली आहे. सदरील मुख्य रस्ता असल्यामुळे मागील एक वर्षापासून त्यावरून पावसाळ्यात वाहतूक करताना प्रवाश्यांना अक्षरशः जीव मुठीत घेऊन वाटचाल करावी लागते.पाण्याच्या प्रवाहाचा अंदाज न लागल्यास एखादी दुर्घटना सुध्दा घडू शकते यास जबाबदार कोण ? सदरील पुलाच्या झालेल्या पडझडीकडे सार्वजनिक बांधकाम विभाग प्रशासनासह स्थानिक लोकप्रतिनिधीही दुर्लक्ष करीत असल्यामुळे परिसरातील नागरिकांमध्ये तिव्र असंतोष पसरत असुन ह्या पुलासह रस्ता दुरूस्त करण्यासाठी शासनाने तात्काळ पावल उचलावी अशी ग्रामस्थांकडून मागणी होत आहे....