💥जिंतूर तालुक्यात वीज पडून एक गाय आणि एक बैल मरण पावला....!

💥सदर शेतकऱ्याला शासनाकडून आर्थिक मदत मिळावी अशी मागणी शेतकऱ्यांमधून होत आहे💥

बी.डी. रामपूरकर : जिंतूर प्रतिनिधी 

जिंतूर तालुक्यातील धमधम शिवारात वीज पडून एक बैल व एका गायीचा मृत्यू झाला असल्याची घटना बुधवार 1 जून 2022 रोजी सायंकाळच्या सुमारास घडली.

याबाबत सविस्तर माहिती अशी की तालुक्यातील धमधम  येथील शेतकरी रामराव काशिबा घुले यांचे जनावरे शेतातील आखाड्यावर बांधलेले होते. 1 जून रोजी सायंकाळच्या सुमारास अचानक वादळी पाऊस होऊन वीज कोसळली. यामध्ये रामराव घुले यांच्या एक गाय व एका बैलाचा मृत्यू झाला. 

सदर माहिती मिळताच आज गुरुवारी  वझर येथील पशुवैद्यकीय दवाखान्यातील डॉक्टरांनी घटनास्थळी जाऊन पाहणी करून शवविच्छेदन केले असल्याची माहिती ग्रामस्थ कृष्णा टाकरस यांनी दिली. सदर शेतकऱ्याला शासनाकडून आर्थिक मदत मिळावी अशी मागणी शेतकऱ्यांमधून होत आहे....,