💥वडाचे झाड भेट देवुन वाशीम येथे महीलांनी केली वटपौर्णीमा साजरी.....!

💥वाशीम येथील नारीशक्ती जागृती फाऊंडेशनचा स्त्युत्य उपक्रम वटवृक्षाचे संवर्धन करण्याची महीलांनी घेतली शपथ💥 

(फुलचंद भगत)

वाशिम:- वटपौर्णिमा म्हणजे सात जन्म तोच पती मिळण्यासाठी महिलांनी करायचे व्रत हे व्रत केल्यावर आपल्या पतीला जास्त आयुष्य मिळते आणि पुढच्या सात जन्मासाठी आपल्याला तोच पती मिळतो अशी धारणा आपल्या समाजात अनादी काळापासुन रूढ आहे.   त्यानुषंगाने वाशीम येथील सहयोग फाऊंडेशन व नारी शक्ती जागृती फाऊंडेशन, लॉयन्स क्लब आणि अखिल भारतीय मारवाडी महीला सम्मेलन यांच्या संयुक्त विद्यमाने  वटपोर्णीमेनिमीत्त महीलांना वटवृक्षाचे रोपटे भेट देऊन पर्यावरणपुरक वटपोर्णीमा साजरी करण्यात आली.

यावेळी सहयोग फाऊंडेशन वाशीमच्या अध्यक्षा तथा जेष्ठ समाजसेविका प्रा.संगीताताई इंगोले यांनी पुढाकार घेत वाशीम येथील नारायण बाबा मंदीर परीसरात असलेल्या पुरातन वडाच्या झाडांची ईतर महीलांसमवेत विधीवत पुजा करून महीलांना वटवृक्षाची भेट देत वट वृक्षाच्या पुजेसोबतच नैसर्गिक प्राणवायुच्या निर्मितीसाठी वडाचे झाड लावुन त्याचे संगोपन व संवर्धन करावे अशी शपथ महीलांना प्रा. संगीताताई इंगोले यांनी दिली. 

                  दरम्यान,या पर्यावरणपुरक कार्यक्रमाला सहयोग फाऊंडेशनच्या अध्यक्षा प्रा.संगीताताई इंगोले, नारी शक्ती जागृती फाउंडेशनच्या सचिव सोनाली गर्जे, लॉयन्स क्लब वाशीमच्या अध्यक्षा संतोष अग्रवाल, मारवाडी महीला संमेलनाच्या अनु मानधने यांच्यासह ऋषाली टेकाळे, रूपाली देशमुख, ज्योती चरखा, भुमी नेनवाणी आदी महिला सदस्यांची उपस्थिती होती.कोरोना विषाणूचा प्रादुर्भाव कमी झाल्यामुळे दोनवर्षानंतर यंदा पहील्यांदाच महीलांनी एकत्र येत वटपोर्णीमा साजरी केली मात्र कोरोना काळात कृत्रीम प्राणवायु अभावी कित्येकांना प्राण गमवावा लागला त्यामुळे नैसर्गिक प्राणवायुचे महत्त्व ओळखुन त्याच्या उपलब्धतेसाठी वट वृक्षाच्या पुजेसोबतच महिलांनी  वडाचे झाड लावुन त्याचे संवर्धन करावे हा या पर्यावरणपुरक वटपौर्णिमा साजरी करण्यामागचा हेतु आहे अशी माहिती सहयोग फाऊंडेशनच्या अध्यक्ष प्रा.संगीता ईंगोले यांनी दिली. यावेळी नारायण बाबा मंदीर परीसरात वट वृक्षांची पुजा करण्यासाठी आलेल्या महीलांना वडाचे रोपटे भेट देवुन वृक्षारोपणाचे महत्व पटवुन देण्यात आले.

प्रतिनीधी:-फुलचंद भगत

मंगरुळपीर/वाशिम