🌟पुर्णा तालुक्यातल्या ताडकळस येथील कै.कमळाबाई वडकुते विद्यालयाच्या वतीने गुणवंत विद्यार्थ्यांचा सत्कार....!

🌟संस्थेचे कार्याध्यक्ष विठ्ठल वडकुते,मुख्याध्यापक महाजन यांच्या हस्ते गुणवंत विद्यार्थी व पालकांचा सत्कार🌟    

पुर्णा (दि.०३ जुन २०२३) - पुर्णा तालुक्यातील ताडकळस येथील कमळाबाई वडकुते विद्यालय संस्थेचे कार्याध्यक्ष विठ्ठल वडकुते, मुख्याध्यापक महाजन यांच्या हस्ते गुणवंत विद्यार्थी व पालकांचा सत्कार करण्यात आला.

दरवर्षी प्रमाणे याही वर्षी शाळेने गुणवत्तेचा आलेख चढता ठेवण्यात यश मिळविले आहे. यावर्षी शाळेचा निकाल ९२.५३ लागला तर विशेष प्राविण्य प्राप्त गुण मिळविलेले विद्यार्थी १४, प्रथम क्रमांकांचे गुण मिळालेले विद्यार्थी २३, द्वितीय आलेले विद्यार्थी १९ तर उत्तीर्ण विद्यार्थी सहा या सर्व गुणवंत विद्यार्थ्यांचा सत्कार करण्यात आला. यामध्ये सर्वप्रथम आलेली विद्यार्थिनी आरती आवरगंड, द्वितीय शेख इरफान, पवन आंबोरे, श्रुती आंबोरे, पल्लवी खोंड, पिंपुरणे कोमल, आंबोरे दिशा, भाग्यश्री कदम, अंजली आंबोरे, मीनाक्षी आवरगंड या विद्यार्थ्यांचा त्यांच्या पालकांसह सत्कार करण्यात आला. यावेळी विद्यार्थ्यांचे पालक नामदेव आवरगंड,शेख अजीज, मंचकराव आंबोरे, दत्तराव आंबोरे, रखमाजी  खोंड, दिलीप पिंपुरणे, राजेभाऊ आंबोरे,कैलास कदम, सुरेश आंबोरे,बालाजी आवरगंड यांच्यासह मुख्याध्यापक महाजन, गडदे सर, सुर्यतळसर ,घोलप, विष्णू गडदे कार्यक्रमाचे सूत्रसंचालन महाजन  यांनी केले तर प्रस्ताविक विठ्ठलराव वडकुते यांनी केले तर आभार प्रदर्शन धुमाळ  यांनी केले कार्यक्रम यशस्वी करण्यासाठी आदी पुढाकार घेतला.....