🌟ब्रेक्रींग न्युज : हावडा ते सिकंदराबाद फलकनुमा एक्सप्रेसच्या तिन ते चार डब्यांना तेलंगणात भीषण आग....!

🌟या घटनेमुळे यार्गावरील रेल्वे रद्द/अशंत रद्द/मार्गात बदल🌟

हैद्राबाद (दि.०७ जुलै २०२३) - हावडा ते सिकंदराबाद फलकनुमा एक्सप्रेस या चालत्या प्रवासी रेल्वेच्या तीन पॅसेंजर बोगींना भीषण आग लागल्याची घटना आज शुक्रवार दि.०७ जुलै रोजी सकाळच्या सुमारास घडली हावडाहून सिकंदराबादला जाणाऱ्या फलकनुमा एक्स्प्रेसच्या तिन ते चार बोगीला आग लागली नालगोंडाजवळ हा अपघात झाला या अपघातात कोणीही जखमी झाले नसल्याचे अधिकाऱ्यांनी सांगितले.  आग लागल्याचे समजताच प्रवाशांना ट्रेनमधून उतरवण्यात आले. त्यांच्यापर्यंत पोहोचण्यासाठी अन्य व्यवस्था करण्यात येत आहे.

तेलंगानातील पगीदिपल्ली आणि बोम्मईपल्ली स्थानकादरम्यान ट्रेनला आग लागली रेल्वेच्या एस-४,एस-५ आणि एस-६ बोगींना आग लागली या घटनेची माहिती मिळताच रेल्वे तात्काळ थांबवून प्रवाशांना खाली उतरवण्यात आले अग्निशमन आणि आपत्ती निवारण अधिकारी घटनास्थळी पोहोचले आहेत आगीचे कारण अद्याप समोर आलेले नाही दक्षिण-पूर्व रेल्वेचे मुख्य जनसंपर्क अधिकारी (सीपीआरओ) म्हणाले की आग विझल्यानंतर गाड्या रद्द करण्याबाबत आणि पर्यायी मार्गांबाबत माहिती दिली जाईल.