🌟पुर्णा झिरो फाटा मार्गावरुण प्रवास करणाऱ्या नागरीकांनो सावधान...!

🌟माटेगाव पुलावरून पाणी वाहत असल्याने वाहनधारकांनी या मार्गावरुन तुर्त प्रवास टाळावा🌟

पुर्णा (दि.२७ सप्टेंबर २०२३) - मराठवाड्यासह परभणी जिल्ह्यात देखील मागील २४ तासापासून सतत पडणाऱ्या पावसामुळे अनेक नदी नाल्यांना पूर आल्याचे निदर्शनास येत असून पूर्ण झिरो फाटा मार्गावरील माटेगाव पुलावरून पाणी वाहत असल्यामुळे या मार्गावरून प्रवास करणाऱ्या नागरिकांनी वाहनधारकांनी तुर्त प्रवास करणे टाळावे असे आवाहन परिसरातील जाणकार नागरिकांतून होत आहे.

पुर्णा शहरापासून अंदाजे पाच ते सात किलोमीटर अंतरावर असलेल्या पुर्णा-झिरो फाटा मार्गावरील माटेगाव नजीकच्या ओढ्याला (छोटी नदी) मोठ्या प्रमाणात पाणी आल्याने या ओढ्यावरील पुलावरून पाणी वाहताना दिसत आहे त्यामुळे शक्यतो वाहनधारकांनी पाणी कमी होईपर्यंत या मार्गावरून तूर्त प्रवास करणे टाळावे असे आवाहन मनसेचे युवा नेते पवन बोबडे पत्रकार शिवाजीराव बोबडे यांनी केले आहे...