🌟मराठवाडा मुक्तिसंग्राम अमृत महोत्सव : शासकीय जिल्हा ग्रंथालयात ग्रंथ प्रदर्शनाचे उद्घाटन.....!

 

🌟ग्रंथ प्रदर्शनाचे उद्घाटन आज केंद्रीय विद्यालयाचे प्राचार्य राहुल नितनवरे यांच्या हस्ते फित कापून करण्यात आले🌟

परभणी (दि.14 सप्टेंबर 2023) : मराठवाडा मुक्तिसंग्राम अमृत महोत्सवानिमित्त येथील जिल्हा ग्रंथालयात ग्रंथ प्रदर्शनाचे उद्घाटन आज केंद्रीय विद्यालयाचे प्राचार्य राहुल नितनवरे यांच्या हस्ते फित कापून करण्यात आले.जिल्हा ग्रंथालय अधिकारी आशिष ढोक, जिल्हा माहिती अधिकारी अरुण सुर्यवंशी, बालासाहेब देवणे, सचिन गायकवाड, कोडिंबा गाडेवाड, रूपेश मोरे आदी उपस्थित होते.

या ग्रंथप्रदर्शनात विशेषत: मराठवाडा मुक्तिसंग्रामाशी संबंधित माहिती विद्यार्थ्यांना, नवीन पिढीला व जनतेला ग्रंथाच्या माध्यमातून व्हावी यासाठी मराठवाडा मुक्तिसंग्रामाशी संबंधित ग्रंथाचे प्रदर्शन आयोजित करण्यात आले होते. तसेच मोठ्या प्रमाणात उपस्थित असलेल्या विद्यार्थी व वाचकांनी काही वेळ ग्रंथवाचन करुन मराठवाडा मुक्तिसंग्रामाशी संबंधित माहिती करुन घेतली व वाचनाचा आनंद घेतला.

तसेच मराठवाडा मुक्तिसंग्राम अमृत महोत्सवानिमित्त  दि. 15 सप्टेंबर ते 15 ऑक्टोबर, 2023 (वाचन प्रेरणा दिन) पर्यंत विशेष वाचक सभासद नोदंणी मोहीम सुरू करण्यात येत आहे. परभणी जिल्ह्यातील सर्व ग्रंथप्रेमी, वाचकांनी मोठ्या प्रमाणात सभासद होऊन सहभाग नोंदवावा व वाचनाचा आनंद घ्यावा, यासाठी जिल्हा ग्रंथालय अधिकारी कार्यालय,  कल्याण नगर, वसमत रोड, परभणी (संपर्क क्र. 8888754753)  येथे कार्यालयीन वेळेत संपर्क साधावा. हे ग्रंथ प्रदर्शन सर्वांसाठी खुले असून जिल्हा ग्रंथालय अधिकारी कार्यालय, कल्याण नगर, वसमत रोड, परभणी येथे येऊन लाभ घ्यावा, असे आवाहन जिल्हा ग्रंथालय अधिकारी आशिष ढोक यांनी केले आहे. या ग्रंथ प्रदर्शनाला मोठ्या संख्येने ग्रंथालय पदाधिकारी व विद्यार्थी यांची प्रमुख उपस्थिती होती.....