🌟चर्मकार ऐक्य परिषदेच्या प्रदेश अध्यक्षपदी संजय खामकर तर कार्याध्यक्षपदी वसंत धाडवे यांची निवड....!

🌟महासचिव म्हणून चंद्रप्रकाश देगलूरकर यांची सर्वानुमते निवड : प्रदेश कार्यकारणी जाहीर🌟 

परभणी : चर्मकार ऐक्य या शिखर परिषदेच्या प्रदेश अध्यक्षपदी संजय खामकर तर प्रदेश कार्याध्यक्षपदी येथील लॉ.वसंतराव धाडवे व महासचिव म्हणून चंद्रप्रकाश देगलूरकर यांची सर्वानुमते निवड करण्यात आली.

             चर्मकार ऐक्य परिषदेची परभणीत लोकमान्य नगरातील धाडवे यांच्या निवासस्थानी राज्यस्तरीय बैठक आयोजित करण्यात आली होती. त्यात चर्मकार ऐक्य शिखर परिषदेच्या स्थापनेसंदर्भात विचार विनिमय करण्यात आला. त्यातून कार्यकारणीच्या पदाधिकार्‍यांची घोषणा करण्यात आली. यावेळी संघटनेचे मावळते अध्यक्ष रविकिरण घोलप (नाशिक), माजी आमदार बाबुराव माने (मुंबई), ज्येष्ठ नेते धाडवे (परभणी), माजी प्रदेशाध्यक्ष लक्ष्मणराव भुमरे (बुलढाणा), ज्येष्ठ नेते गोविंदराव खटावकर (सांगली), संजय खामकर (अहिल्यादेवी होळकर नगर), शिवाजीराव लकवाले (लातूर), चंद्रप्रकाश देगलूरकर व व्यंकटराव दुधबे (नांदेड), राम कदम (मुंबई), विठ्ठलराव होनमाने (सोलापूर), महेंद्र अहिरे (नाशिक) आदी उपस्थित होते. यावेळी संत रविदास महाराज यांच्या प्रतिमेचे पुजन करण्यात आले. आयोजक लॉ. धाडवे यांनी प्रास्ताविकातून चर्मकार ऐक्य परिषद शिखर संघटना स्थापने संदर्भातील उद्देश स्पष्ट केला. समाजासमोर मोठ्या प्रमाणात अनेक प्रश्‍न निर्माण होत आहेत. त्यामुळे प्रत्येकाने एकत्र येणे ही काळाची गरज ठरली आहे. अन्याय, अत्याचाराच्या विरोधात सर्वांनी एकत्र येवून एकजूटीने उभे राहून ते प्रश्‍न सोडविण्या संदर्भात अथक प्रयत्न केले तर ते निश्‍चितच मार्गी लागतील, असा विश्‍वास व्यक्त केला.

             यावेळी संघटनेची राज्य कार्यकारणी निवडण्यात आली. यामध्ये प्रदेशाध्यक्षपदी संजय खामकर, प्रदेश कार्याध्यक्षपदी लॉ. वसंतराव धाडवे, महासचिव इंजि. चंद्रप्रकाश देगलूरकर, कोषाध्यक्ष राम कदम यांची सर्वानुमते निवड करण्यात आली. उर्वरित कार्यकारणी उदगीर येथे 05 नोव्हेंबर रोजी होणार्‍या राज्यस्तरीय बैठकीत जाहीर करण्यात येणार आहे.

             कार्यक्रमाचे आयोजन लॉ. धाडवे मित्र मंडळाच्यावतीने नियोजनबद्ध तथा अतिशय चांगल्या प्रकारे केल्याबद्दल प्रमुख पाहुणे तथा महाराष्ट्रातील विविध भागातून आलेल्या समाज बांधवांनी कौतुक केले. कार्यक्रमाचे सांगता स्नेहभोजनानी  झाली. कार्यक्रमाचे सूत्रसंचालन गजानन मुडे यांनी तर आभार प्रदर्शन डॉ. लॉ. प्रवीण धाडवे यांनी केले. कार्यक्रमास राज्यातील 20 संघटनेचे 27 पदाधिकारी तथा समाज बांधव मोठ्या संख्येने उपस्थित होते. कार्यक्रम यशस्वीतेसाठी  डॉ. लॉ. प्रवीण धाडवे, गोपीचंद गुरव, अंकुश जोगदंड, महेश आंबेकर, कैलास इनकरे, तुकाराम गायकवाड, दीपक हातागळे, प्रा. करणाडे, सुग्रीव ठोंबरे, वामन वाढे, रामप्रसाद मोताळे, महेश कुदमुळे यांनी परिश्रम घेतले.....