🌟गंगाखेड तालुका दुष्काळग्रस्त जाहीर करण्याच्या मागणीसाठी किसान सभेने केले एकदिवसीय धरणे आंदोलन....!

🌟किसान सभेचे नेते कॉ.राजन क्षीरसागर यांच्या नेतृत्वाखालील करण्यात आले आंदोलन🌟 

 गंगाखेड : गंगाखेड तालुका दुष्काळग्रस्त जाहीर करावा तसेच दुष्काळी उपाययोजनांची अंमलबजावणी करावी या मागणीसाठी महाराष्ट्र किसानसभेसह शेतकर्‍यांद्वारे गंगाखेड तहसील कचेरीसमोर एक दिवसीय धरणे आंदोलन करण्यात आले.

          गाव हे एकक धरून गंगाखेड तालुका दुष्काळग्रस्त जाहीर करून विशेष मदत द्या दुष्काळी उपाययोजना कार्यान्वित करा. सोयाबिन, कापूस तुर मुग उडीद सह खरिप पिकांसाठी 25 टक्के आग्रिम् पिक विमा भरपाई तत्काळ अदा करा, दुष्काळग्रस्त विद्यार्थ्यांचे संपुर्ण शैक्षणिक शुल्क माफ करा, कृषी पंपाची थकबाकी माफ करुन शेतीसाठी मोफत विद्युत पुरवठा करा.मराठवाड्यातील दुष्काळग्रस्त शेतकर्यांच्या रब्बी हंगामातील पिकासाठी कालवून पाणी द्या तसेच वरील धरणातून जायकवाडी प्रकल्प व माजलगाव प्रकल्पसाठी  मराठवाड्याच्या हक्काचे पाणी सोडा समन्यायी पाणीवाटप करा, स्वामिनाथन आयोगाच्या शिफारशी प्रमाणे कापूस, सोयाबीन, तुर यासह सर्व शेतीमालाचे दर ठरवणारा एमएसपी चा कायदा करा व त्याप्रमाणे कापसाला 12000 सोयाबीनला 8000 रु. तर ऊसाच्या 9% उतार्‍यावर 4000 हाजार रुपये प्रमाणे हमीभाव द्या, दुष्काळग्रस्त शेतकर्‍यांना रबी हंगामातील पीक पेरणीसाठी एकरी 10000/ अनूदान द्या, साखर कारखाना कडून होणारी आडवणुक व फसणुक तात्काळ थांबवा. शेतीमाल खरेदी केंद्र सोयाबिन मिल, कापूस जिंनिग यांच्या कडून शेतकर्‍यांची होत असलेली  पिळवणूक थांबवा त्यांचे वजन काटे व  मोईच्शर तपासणी यंत्रे प्रमाणित करा.मच्छीमार कुटुंबाच्या निसर्गदत्त रोजगाराला संपुष्टात आनणारा जायकवाडी प्रकल्पावर प्रस्थापित सौर ऊर्जा प्रकल्प रद्द करा, नगर परिषद सफाई कामगारांना हक्काचे घरकुल द्या, सृमसाफल्य योजना कार्यान्वित करा आदी मागण्या तालुका प्रशासनास सादर केलेल्या निवेदनाद्वारे केल्या आहेत.

           निवेदनावर कॉ.राजन क्षीरसागर, कॉ. शिवाजी कदम, कॉ.ओंकार पवार, भाई गोपीनाथ भोसले, कॉ.शेख सरवर, भाई कॉ. योगेश फड,  लक्ष्मणसिंह चंदेल, चंद्रकांत जाधव, परमेश्‍वर जाधव यांच्या सह्या आहेत.....