🌟‘मुख्यमंत्री माझी लाडकी बहीण’ योजनेचे गंगाखेड येथे अंगणवाडी सेविका-पर्यवेक्षिकांना प्रशिक्षण....!

🌟याप्रसंगी कार्यशाळेच्या अध्यक्षपदी आमदार रत्नाकर गुट्टे यांची प्रामुख्याने उपस्थिती🌟 

परभणी (दि.23 जुलै २०२४) : राज्य शासनाची महत्त्वाकांक्षी ‘मुख्यमंत्री माझी लाडकी बहीण’ योजनेची सर्वसामान्य पात्र लाभार्थी महिलांमध्ये जनजागृती करण्यासाठी आज गंगाखेड येथील जनाबाई महाविद्यालयात अंगणवाडी सेविका –पर्यवेक्षिकांची प्रशिक्षण कार्यशाळा संपन्न झाली.

याप्रसंगी कार्यशाळेच्या अध्यक्षपदी आमदार रत्नाकर गुट्टे, उपविभागीय अधिकारी जीवराज डापकर, तहसीलदार कैलास वाघमारे तसेच गटविकास अधिकारी (पंचायत समिती) अक्षय सुक्रे, मुख्याधिकारी जयवंत सोनवणे, एकात्मिक बाल विकास योजनेचे मधुकर कदम आणि तालुकास्तरीय सर्व अधिकारी, कर्मचारी, ग्रामसेवक, तलाठी, कृषी सहाय्यक, अंगणवाडी पर्यवेक्षिका, अंगणवाडी सेविका, मदतनीस, आशा वर्कर, सीआरपी उपस्थित होते.

यावेळी मुख्यमंत्री माझी लाडकी बहीण योजनेचे पात्र लाभार्थी महिलांकडून ऑनलाईन आणि ऑफलाईन अर्ज भरून घेण्याविषयी सविस्तर मार्गदर्शन करण्यात आले. तसेच योजनेमध्ये पात्र महिला लाभार्थी ठरविताना संबंधित महिलांना योजनेच्या अटी-शर्थींची माहिती देत, पात्रतेचे निकष, अडीच लाख रुपये उत्पन्नाची मर्यादा, पात्र लाभार्थी, अर्ज करताना आवश्यक कागदपत्रे आदींची माहिती देण्यात आली. कार्यक्रम यशस्वितेसाठी विस्तार अधिकारी, कनिष्ठ सहाय्यक व पर्यवेक्षिका यांनी परिश्रम घेतले.....