🌟परभणीत वंदनीय बाळासाहेब ठाकरे वृक्ष लागवड व संवर्धन अभियाना अंतर्गत एक लाख वृक्ष वाटप करणार....!

🌟परभणी विधानसभेचे आमदार डॉ.राहुल पाटील यांचा निर्धार🌟 

परभणी (दि.३१ जुलै २०२४) :- दिवसेंदिवस तापमानात मोठ्या प्रमाणात वाढ होत आहे. तसेच दिवसेंदिवस पाऊस सुद्धा कमी पडत आहे. मोठ्या प्रमाणात वृक्ष लागवड झाल्यास पाऊस होण्यास मदत होणार असून यासाठी परभणी विधानसभा मतदार संघांमध्ये वंदनीय बाळासाहेब ठाकरे वृक्ष लागवड व संवर्धन अभियान सुरू केले आहे. या मोहिमेंतर्गत एक लाख वृक्ष वाटप करणार असल्याची माहिती आमदार डॉ.राहुल पाटील यांनी दिली आहे.

पाथरी रस्त्यावरील रेणुका नगर येथे आ. डॉ. पाटील यांच्या उपस्थितीत वृक्ष लागवड करण्यात आली. यावेळी आमदार पाटील बोलत होते. परभणी विधानसभा मतदारसंघात २० जुलै पासून वंदनीय बाळासाहेब ठाकरे वृक्ष लागवड व संवर्धन संकल्प अभियान सुरू केले आहे. या अभियानात परभणी शहर आणि मतदार संघांमध्ये विविध प्रकारची देशी वृक्षांची रोपे दिली जाणार आहेत. या झाडांमुळे जमिनीत मोठ्या प्रमाणात पाणी मुरण्यास देखील मदत होणार आहे. त्यासाठी नागरिकांनी पुढाकार घ्यावा. आपल्या मुलाच्या, लग्नाच्या वाढदिवसा निमित्त तसेच विविध उपक्रमानिमित्त घर, परिसर, मोकळ्या जागेत वृक्ष लागवड करावी. त्यासाठी लागणारे वृक्ष आम्ही देणार असे आमदार पालयांनी यावेळी सांगितले.

या कार्यक्रमाला जिल्रदेचे उपमुख्य कार्यकारी अधिकारी ओमप्प्रविठ्ठल कांगणे, बाजार समिती संचालक अरविंद देशमुख आदी यावेळी उपस्थित होते. या कार्यक्रमासाठी परीसरातील नागरीकांची मोठ्या संख्येने उपस्थिती होती......