🌟पुर्णा तालुक्यातील एक आदर्श सुसंस्कृत शिक्षण संस्थाचालक आदरणीय हिराजी भोसले सर....!

🌟ग्रामीण भागातील शेतकरी/शेतमजूर/रोजमूरांच्या लेकरांना आपल्या शैक्षणिक संस्थेमार्फत उत्कृष्ट शिक्षणाची व्यवस्था करुन देणारे देवदूत🌟

 परभणी जिल्ह्यातल्या पुर्णा तालुक्यातील सुहागन येथील छत्रपती संभाजी विद्यालयाचे संस्थापक  आदरणीय हिराजी भोसले सर यांचं सामाजिक राजकीय शैक्षणिक क्षेत्रामध्ये त्यांनी केलेलं भरीव योगदान काळाच्या कसोटीला उतरलेल आहे. कर्मवीर भाऊराव पाटील भारतरत्न डॉ.बाबासाहेब आंबेडकर पंजाबराव देशमुख या महापुरुषांनी शिक्षणाक्षेत्रामध्ये घालून दिलेले आदर्श मापदंड उदात्त हेतूने स्थापन केलेल्या शिक्षण संस्था निर्माण केलेले आदर्श डोळ्यासमोर ठेवून या क्षेत्रातील त्यांची वाटचाल उल्लेखनीय अशा स्वरूपाची आहे त्यांचं संपूर्ण कुटुंब वारकरी संप्रदायाचे त्यांचे वडील पूज्य लक्ष्मणराव न चुकता पंढरपूरची आषाढी एकादशीची वारी करणारे. चारित्र्य नीतिमत्ता सदाचाराचे  प्रतिक असलेले. पूज्य माता पार्वती आई करुनेचा दयेचा महासागर कष्टाळू आप्तेष्ट नातेवाईक यांना प्रेमाच्या धाग्याने जोडणारा दुवा असणारी अशा संस्कारक्षम माता पित्याच्या शिकवणीतून त्यांची जडणघडण झाली.

सर्जनशील बहुआयामी व्यक्तिमत्व असलेले भोसले सर विद्यार्थी प्रिय आदर्श शिक्षक शिस्तप्रिय कुशल मुख्याध्यापक निर्भीड निपक्षपाती पत्रकार .राजकारणाला निरपेक्ष समाजकारणाची  जोड देऊन स्वतःच्या नावाची एक वेगळी ओळख निर्माण करणारे जननी आणि जन्मभूमी विषयी कमालीची कृतज्ञ भावना  व त्यामधून उत्तराई होण्यासाठी आपली जन्मभूमी सुहागन या ठिकाणी शिक्षण संस्था स्थापन करून त्या माध्यमातून छत्रपती संभाजी विद्यालय सुरू करून ग्रामीण भागामध्ये शेतकरी कष्टकरी बहुजन समाजातील गोरगरीब लोकांची लेकरे शिकली पाहिजे त्यांना उच्च दर्जाच काळाच्या कसोटीला उतरलेले शिक्षण मिळालं पाहिजे 

यासाठी आग्रही राहणारे अशा प्रकारचा अलौकिक व्यक्तिमत्व त्यांच आहे पूर्णा शहरातील प्रथित यश शाळा अभिनव विद्या विहार मध्ये जवळपास चार दशक त्यांनी ज्ञानदानाचे काम वृत्तस्तपणे केलं यासोबतच अभिनव विद्या विहार मध्ये एनसीसी चा विभाग अतिशय जबाबदारीने संभाळ ला. महाराष्ट्र पातळीवर आपल्या विद्यालयातील एनसीसी कॅडेट ची ओळख पथसंंचालनाच्या माध्यमातून व इतर ऍक्टिव्हिटीच्या माध्यमातून करून दिली. 

सरांचा मराठी विषय शिकवण्याची समजावून सांगण्याची पद्धत सर्वसाधारण विद्यार्थ्यांच्या गळी उतरणारी.सरांनी शिकवलेला पाठ व्याकरण निबंध विद्यार्थ्यांना मुखोद्गगत होत असत. विद्यार्थ्यांच हस्ताक्षर सुवाच्च असाव त्यामध्ये रस्व दीर्घ च्या चुका नको यावर त्यांचा कटाक्ष असे. भारत सरकार महाराष्ट्र सरकार यांनी शिक्षकाकडून जी विविध राष्ट्रीय देशहिताचे कल्याणकारी कामे करून घेतात या कामामध्ये सर नेहमीच अग्रभागी होते. ज्यावेळी भारतामध्ये 1991 मध्ये भारतीय जनगणना झाली यामध्ये त्यांचं काम महाराष्ट्र मध्ये सर्वोत्कृष्ट ठरलं व त्यांच्या या कार्याबद्दल भारताचे महामहीम राष्ट्रपती यांच्या हस्ते रोप्य पदक त्यांना सन्मानपूर्वक बहाल करण्यात आले. 

दुसरी जनगणना 2001 मध्ये पार पडली या जनगणने मध्ये त्यांनी सर्वोत्कृष्ट कार्य पार पाडले व त्याबद्दल भारताचे महामहीम राष्ट्रपती कडून सुवर्णपदक सन्मानपूर्वक बहाल करण्यात आले. शिक्षण क्षेत्रातील त्यांच्या महत्त्वपूर्ण योगदाना बद्दल परभणी जिल्हा परिषदे कडून 2003 या वर्षामध्ये आदर्श शिक्षक पुरस्कार देऊन त्यांना सन्मानित करण्यात आले.  अध्यापनाचं काम करत असतानाच ते दैनिक सामनाचे पत्रकार म्हणून निर्भीड निपक्षपणे काम करत. 

समाजामध्ये घडत असलेले अन्ायाविरुध्द  लेखणी चालवत. 1995 मध्ये परभणी जिल्हा शिक्षण संवर्धन मंडळामध्ये चाललेल्या अनियमित कारभाराविषयी त्यांनी परखडपणे लिहिले होते यावरून त्यांना शाळेच्या मुख्याध्यापकानी त्यांना समजावून सांगण्याचा प्रयत्न केला "भोसले सर , आपण शिक्षक आहात. आणि आपल्याच विभागाविषयी तुम्ही अशा प्रकारच्या बातम्या प्रसिद्ध करतात. यावर मला जिल्हा शिक्षण संवर्धन मंडळाचे पदाधिकारी बोलले. यानंतर अशा प्रकारच्या बातम्या यायला नको."

यावर भोसले सर त्यांना म्हणाले शिक्षण संवर्धन मंडळाच्या कारभारामध्ये सुसूत्रता आणून पारदर्शक कारभार करायला त्यांना सांगा नंतर अशा प्रकारच्या बातम्या येणार नाही त अशाप्रकारे त्यांनी निक्षून सांगितले स्वर्गीय बाळासाहेब ठाकरे यांच्या  निर्भीड  रोखठोक मी नि पक्षपाती  पत्रकारितेचा  प्रभाव होता दैनिक सामनाच्या माध्यमातून परभणी जिल्ह्यातील व पूर्णा तालुक्यातील अनेक ज्वलंत न्याय प्रश्न त्यांनी सोडवले यामुळे जनमानसामध्ये त्यांची प्रतिमा व कार्य लोकाभिमुख झाले. शिवसेनेने त्यांना पूर्णा पंचायत समिती निवडणुकीमध्ये तिकीट दिले व ते प्रचंड मताधिक्याने निवडून आले पंचायत समिती सदस्य नात्याने त्यांची काराकीर्द उल्लेखनीय होती.शेतकरी कष्टकरी सामान्य गोरगरीब जनतेला शासनाच्या विविध योजनांचा लाभ करून दिला. 

शिवसेना भारतीय जनता पक्षाचे सरकार असताना त्यांना राजे संभाजी विद्यालय सुहागनचे शासन मान्यता विनाअनुदान तत्त्वावर मिळाली.आदरणीय भोसले सर अध्यक्ष तर दिलीप माने सर! सचिव या दोघांच्या कल्पकतेतून या विद्यालयाने विद्यार्थी हिताला प्रथम प्राधान्य देऊन सुहागन सारख्या ग्रामीण भागामध्ये दर्जेदार शिक्षणाची सुविधा सुरू केली दर्जेदार गुणवत्ता व काळाच्या कसोटीला उतरणार शिक्षण देण्यासाठी मुख्याध्यापक व शिक्षक वृंदांना त्यांनी प्रेरित केल.

विद्यार्थी विद्यार्थिनी फक्त पुस्तकी किडा न बनता त्यांचं भाव विश्व प्रकल्प झालं पाहिजे त्यांच्यामध्ये वकृत्व नेतृत्व विकसित झालं पाहिजे यासाठी सरांचा अट्टाहास त्यामधून या शाळेचे विद्यार्थी वकृत्व स्पर्धा वादविवा द स्पर्धा निबंध समूह नृत्य गीत गायन आदी क्षेत्रांमध्ये जिल्हा पातळी मराठवाडा पातळी व महाराष्ट्र पातळीवर प्रथम द्वितीय तृतीय पारितोषिकाचे मानकरी ठरले. सातत्यपूर्ण या क्षेत्रामध्ये त्यांचे वाटचाल सुरू आहे. 

प्रज्ञाशोध परीक्षा व इतर अनेक शालेय विद्यार्थ्यांच्या सर्वांगीण विकासासाठी असणारे उपक्रम शाळेन राबवले.एसएससी परीक्षेचा दरवर्षी येथील निकाल 90% च्या पुढे असतो अनेक वेळा शंभर टक्के सुद्धा लागला आहे. अनेक विद्यार्थी विद्यार्थिनी स्पर्धा परीक्षेच्या माध्यमातून अधिकारी बनले आहेत डॉक्टर इंजिनिअर वकील शिक्षक प्राध्यापक ग्रामीण भागातून निर्माण करण्याचा काम या शाळेने केल आहे राजे संभाजी विद्यालयातील मुख्याध्यापक शिक्षक शिक्षकेतर कर्मचारी यांच्यासोबत आदरणीय हिराजी भोसले सर व दिलीप माने सर व संस्थेचे संचालक मंडळ संबंध जिव्हाळ्याचे व आपुलकीचे राहिले आहेत वेळोवेळी भोसले सर कर्मचारी वर्गाचे समुपदेशन करत असतात. 

कधीही ते कुणावर रागावून अथवा अधिकार वाणीने वागत नाहीत कर्मचाऱ्यांना त्यांच्याविषयी नितांत आदराची भावना आहे रोड लगत मुख्य रस्त्यावर शाळेची भव्य दिव्य सर्व सुविधायुक्त प्रशस्त इमारत संचालक मंडळाने उभी केली त्यामध्ये ग्रंथालय वाचनालय प्रयोगशाळा शालेय पोषण आहारासाठी मोठा हॉल उपलब्ध करून दिला प्रशस्त मैदान त्यावर केलेले वृक्षारोपण या मुळे सुहागन लागून असलेली सर्व खेड्यातील मुले मुली या शाळेमध्ये मोठ्या प्रमाणात येऊ लागली व या माध्यमातून परिसरातील गावाचा सर्वांगीण विकास होऊ लागला. 

कारण शिक्षणाच्या माध्यमातून होणारी प्रगती ही सर्वांकष व सर्वांगीण असते शाळेतील सर्व कर्मचाऱ्यांसोबत अध्यक्ष या नात्याने भोसले सरांचे संबंध अतिशय जिव्हाळ्याचे व आपुलकीचे आहे एक ज्येष्ठ बंधू या नात्याने  मुख्याध्यापक शिक्षक वृंद व कर्मचारी आदरणीय भोसले सरांकडे पाहतात कर्मचाऱ्यांचे सुखदुःखाचे प्रसंग त्यामध्ये अंतकरणातून सहभागी होतात शिक्षक कर्मचारी सेवानिवृत्त होत असताना त्यांना कोणत्याही प्रकारचा त्रास होणार नाही याबाबत आदरणीय भोसले सर माने सर विशेष काळजी घेतात. शिक्षण क्षेत्रामध्ये काम करणाऱ्या प्रत्येकाने आदरणीय भोसले सरांचा आदर्श घ्यावा अशा प्रकारच त्यांच व्यक्तिमत्व व कर्तुत्व आहे.सर्व प्रकारच्या विकारापासून व व्यसनापासून ते कोसो दूर आहेत. सामाजिक बांधिलकीच्या भावनेतून त्यांनी विविध समाजपयोगी उपक्रमात स्वतःला वाहून घेतले आहे. 

त्यांच्या सत्कार्य यामध्ये त्यांच्या सुविद्य पत्नी आदरणीय सौ जिजाबाई  यांचा मोलाचा वाटा आहे त्यांच्या जीवनवेलीवर दोन सुंदर अशी फुले उमलली आहे त्यांचे सुपुत्र अरुण हे बँक ऑफ बडोद्यामध्ये वरिष्ठ पदावर कार्यरत असून सुकन्या अश्विनी ह्या सुहागन या ठिकाणी राजे संभाजी विद्यालयावर शिक्षिका म्हणून कार्यरत आहेत आपल्या वडिलांचा विचाराचा कार्याचा समृद्ध वारसा त्यापुढे नेत आहेत निश्चितचपणे भोसले सरांचा जीवन आणि कार्य समाज समाजासमोर आदर्शवत अशा स्वरूपाच आहे त्यांच्या या मानवतावादी कार्यास मंगलमय शुभेच्छा...!

शुभेच्छुक 

श्रीकांत हिवाळे सर 

पूर्णा जिल्हा परभणी.