🌟नवी मुंबईतील एमटीडीसी सभागृहात ओबीसी अधिकारी-कर्मचारी संघाचे दि.११ ऑगस्ट रोजी राज्य अधिवेशन.....!

 

 🌟विविध मान्यवरांची उपस्थिती राहणार : मंडल दिवसाचे औचित्य साधुन  राज्य अधिवेशन व एकदिवसीय चिंतन शिबीर🌟

परभणी (दि.२४ जुलै २०२४) : ओबीसी अधिकारी-कर्मचारी संघाच्या वतीने मंडल दिवसाचे औचित्य साधुन दि.११ ऑगस्ट रोजी नवी मुंबई येथे राज्य अधिवेशनासह एकदिवसीय चिंतन शिबीराचे आयोजन करण्यात आले आहे.

              नवी मुंबई येथील एमटीडीसी सभागृहात आयोजित केलेल्या या अधिवेशनाच्या अध्यक्षस्थानी माजी आमदार व मंडल स्तंभाचे निर्माते डॉ. नारायणराव मुंढे तर कार्यक्रमाचे उदघाटक व वक्ते म्हणून ओबिसी आंदोलनाचे अभ्यासक,भारतीय राजकीय सिद्धांतकार व लेखक प्रा. डॉ. कांचा इलैया तसेच प्रमुख वक्ते म्हणून संशोधक विद्यार्थी टीस, मुंबईचे यशवंत झगडे हे राहणार आहेत. कार्यक्रमाचे स्वागताध्यक्ष म्हणून ओबीसी अधिकारी-कर्मचारी संघाचे संस्थापक अध्यक्ष व उपजिल्हाधिकारी सुनिल शेळके हे असणार आहेत.

             या अधिवेशनात ओबीसी कर्मचार्‍यांना राज्यामध्ये येणार्‍या समस्या व त्याचे निराकरण तसेच भविष्यामध्ये कर्मचार्‍यांनी आपल्या न्याय मागण्या बाबत कशा प्रकारे संवैधानिक मार्ग अवलंबावा याविषयी सविस्तर मार्गदर्शन करण्यात येणार आहे. सर्व ओबीसी अधिकारी व कर्मचारी यांनी या राज्य अधिवेशनास उपस्थित रहावे, असे आवाहन ओबीसी अधिकारी-कर्मचारी संघ जिल्हा शाखा परभणी यांच्या वतीने करण्यात आले आहे.......