🌟परभणी येथील चष्मे हयात या ऐतिहासिक विहीरी जवळील मंदिरातून पुरातन मारोतीची मूर्ती लंपास....!

🌟शहरातील कोतवाली पोलिस प्रशासनाने घटनेचा तात्काळ शोध लावावा अशी नागरिकांची मागणी🌟

परभणी (दि.१५ जुलै २०२४) : परभणी शहरातील कोतवाली पोलिस ठाण्याच्या हद्दीतील चष्मे हयात या ऐतिहासिक विहीरीजवळील मारोती मंदिरातून अज्ञात चोरट्यांनी पुरातन मारोतीची मूर्ती लंपास केल्याची दुर्दैवी घटना नुकतीच उघडकीस आली या संदर्भात काही जागृक नागरिकांनी कोतवाली पोलिस प्रशासनाला निवेदन देऊन या घटनेचा शोध लावण्याची मागणी केली आहे.

            परभणी शहरातील काही भागांना पाणी पुरवठा करणार्‍या चष्मे हयात या विहीरीच्या बाजूस वडाच्या झाडाखाली शेकडो वर्षांपूर्वीची मारोतीरायाची मूर्ती होती. चष्मे हयात या विहीरीजवळील मारोती हा शिवेवरचा मारोती म्हणून परिसरातील सर्व नागरिकांतून तो रक्षकर्ता आहे,अशी भावना आहे. परंतु, गेल्या आठ-दहा दिवसांपासून या ठिकाणीची मूर्तीच अज्ञात चोरट्यांनी लंपास केली. त्यामुळे या भागातील हिंदू धर्मियांमध्ये तीव्र प्रतिक्रिया उमटल्या. शिवसेनेचे नेते माणिकराव पोंढे, हिंदु जनजागृती समितीचे शंकर देशमुख, कौडगावचे सरपंच दिलीप पोंडे, उपसरपंच गंगाधर लोंढे यांच्यासह शंभूसिंग ठाकूर, मोहन टाक, रामा कुलथे, संदीप गव्हाणे, गोपाळराव लोंढे, राजकुमार शर्मा, घनशाम सोनी, नितीन राऊत, अनिल लोंढे, आकाश लोंढे आदींनी कोतवाली पोलिस ठाणे गाठून पोलिस अधिकार्‍यांना या मूर्तीचा शोध लावावा व संबंधितांविरोधात कठोर कारवाई करावी, अशी अपेक्षा व्यक्त केली.....