🌟परभणीत आंतरराष्ट्रीय हिंदू परिषद व बजरंग दलच्या वतीने शालेय साहित्य वाटप करत साजरा केला आषाढी एकादशीचा उत्सव....!

🌟यावेळी परिषदेचे प्रांत मंत्री प्रकाश भाई लाखरा यांची प्रामुख्याने उपस्थिती🌟 

परभणी :-  संपूर्ण महाराष्ट्र सह देशभरात आषाढी एकादशीचा उत्सव अतिशय हर्ष उल्लासात साजरा केला जातो त्या निमित्तानेच परभणी शहरातील शिवाजी चौकामध्ये आंतरराष्ट्रीय हिंदू परिषद व बजरंग दल शाखा परभणी यांच्या संयुक्त विद्यमाने शालेय विद्यार्थ्यांना शैक्षणिक साहित्य वाटप करून आषाढी एकादशीचा हा उत्सव साजरा करण्यात आला.

दरवर्षीप्रमाणे याही वर्षी आषाढी एकादशीनिमित्त विविध शाळेच्या आणि संघटनांच्या वतीने शहरातील शिवाजी चौक मार्गावरून विठ्ठल नामाचा जयघोष करत दिंडी निघत असते त्याच अनुषंगाने आंतरराष्ट्रीय  हिंदू परिषद आणि बजरंग दल यांच्या वतीने यंदाही शिवाजी चौकात शालेय साहित्य वाटप करण्याचा उपक्रम घेण्यात आला यावेळी येणाऱ्या प्रत्येक दिंडीतील विद्यार्थ्यांना तथा सहभागी असणाऱ्या सर्व  व्यक्तींना हे साहित्य वाटप करण्यात आले.

यावेळी परिषदेचे प्रांत मंत्री प्रकाश भाई लाखरा,परभणी जिल्हाध्यक्ष ओमप्रकाश जांगिड, अभिजीत गडम ईश्वर शेठ शर्मा, नीलेश जैन अखिल भारतीय माहेश्वरी महिला संघटन राष्ट्रीय सहप्रभारी सरोजिनीताई गट्टानी यांची प्रमुख उपस्थिती होती.......