🌟मा.सभापती बाळकाका चौधरी यांच्या शरदचंद्र पवार राष्ट्रवादी कॉंग्रेस पक्षप्रवेशाने गंगाखेड विधानसभेची समिकरणे बदलली.....!

🌟गंगाखेड विधानसभा मतदारसंघ उमेदवारीसाठी होणार रस्सीखेच🌟 

गंगाखेड : गंगाखेड कृषी ऊत्पन्न बाजार समितीचे माजी सभापती बाळकाका चौधरी यांनी आपले बाजार समिती संचालक पुत्र सुशांत चौधरी यांचेसह आज शरदचंद्र पवार राष्ट्रवादी कॉंग्रेसमध्ये प्रवेश केला. त्यांचेसोबतच माजी सभापती बालासाहेब निरस हे ही राष्ट्रवादी कॉंग्रेसच्या तंबूत दाखल झाले आहेत. या पक्ष प्रवेशामुळे गंगाखेड विधानसभा निवडणूकीचे समिकरणच बदलले असून ऊमेदवारीसाठी पक्षांतर्गत जोरदार रस्सीखेच होण्याची चिन्हे दिसत आहेत. 

राष्ट्रवादी कॉंग्रेसचे प्रदेशाध्यक्ष जयंत पाटील आज परभणी दौऱ्यावर आहेत. पूर्वी पासूनच पक्षाध्यक्ष शरद पवार यांच्या संपर्कात असलेले चौधरी आणि निरस यांनी आज पाटील यांच्या उपस्थितीत राष्ट्रवादी कॉंग्रेस पक्षात अधिकृत प्रवेश केला. यावेळी चौधरी यांनी जोरदार शक्तीप्रदर्शन करत विधानसभेच्या उमेदवारीवर दावा केला आहे. आजपर्यंत माजी आमदार सीताराम घनदाट हेच एकमेव दावेदार असलेल्या राष्ट्रवादीकडे आता ऊमेदवारी साठी सक्षम पर्याय ऊपलब्ध झाले आहेत. लोकसभा निवडणूकीपासून सुरू झालेल्या जातीपातीच्या गणितांचा विचार करता पक्ष ऊमेदवारी देताना वेगळा विचार करतो काय ? हे पाहणे औत्सुक्याचे ठरणार आहे. 

* अडथळ्यांची शर्यत *

आज राष्ट्रवादीत मोठे पक्ष प्रवेश झाले असले तरी सुशांत चौधरी यांच्यासाठी ऊमेदवारी मिळवणे ही अडथळ्यांची शर्यत ठरणार आहे. मागील निवडणूकीत शिवसेनेकडे असलेला मतदार संघ आता राष्ट्रवादीला सोडला जाईल का ? हा कळीचा मुद्दा असणार आहे. लोकसभा निवडणूकीत दणदणीत विजय मिळवणाऱ्या खा. संजय जाधव यांचा आत्मविश्वास कमालीचा दुणावला असून खा. जाधव यांची या संदर्भातली भूमिका निर्णायक ठरणार आहे. शिवसेनेने आपला दावा सोडल्यास राष्ट्रवादीकडून माजी आमदार घनदाट, सुशांत चौधरी यांच्या नावाचा विचार होईल. जातीच्या गणितांवर घनदाट बाजुला केले जावू शकतात. या परिस्थितीत युवा ऊमेदवार म्हणून सुशांत चौधरी यांच्या नावाचा विचार वरीष्ठपातळीवरून होण्याची शक्यता वर्तविली जात आहे.......