🌟पुर्णा रेल्वे क्र्यु-बुकींग लॉबीची सुत्र पुन्हा डिझेल चोरीसह स्टोअररुम जळीत प्रकरणातील संशयिताच्या हाती ?

🌟दमरे वरिष्ठ अधिकाऱ्यांची आरोपीत मुख्य कर्मीदल अधिक्षक चेपूरी सुरेशसह डिझेल घोटाळेबाजांवर मेहरबान का ?🌟

✍🏻 मुक्काम पोस्ट पुर्णा : चौधरी दिनेश (रणजित)

पुर्णा नांदेड दक्षिण मध्य रेल्वे विभागांतर्गत येणाऱ्या पुर्णा जंक्शन रेल्वे स्थानकावरील रेल्वे डिझेल डेपोतील डिझेल घोटाळेबाजांवर दक्षिण मध्य रेल्वे नांदेड विभागातील वरिष्ठ अधिकारी कमालीचे मेहेरबान असल्याचे निदर्शनास येत असून डिझेल घोटाळ्यातील सक्रिय घोटाळेबाजांसह आर्थिक हितसंबंध जोपासत या डिझेल घोटाळ्याला प्रोत्साहित करणाऱ्या अधिकारी/कर्मचाऱ्यांवर कठोर कारवाई करण्याऐवजी त्यांना पुन्हा सन्मानजनक पदबहाली करीत असल्यामुळे संपूर्ण दक्षिण मध्य रेल्वे विभागात संशयाचे वातावरण निर्माण झाले आहे.

पुर्णा जंक्शन येथील आरसीडी डिझेल चोरी प्रकरण दि.२९ जानेवारी २०२४ रोजी परभणी जिल्हा स्थानिक गुन्हें शाखेच्या पथकाने दैठणा पोलीस स्थानकाच्या हद्दीतील सिंगणापूर येथील वालूर फाटा परिसरातून रेल्वेला डिझेल पुरवठा करणारे डिझेल टँकर क्रमांक एम.एच.२१ बीएच ३९४४ हे डिझेल टँकर जवळपास ५ हजार ५०० लिटर रेल्वेच्या मालकीच्या चोरीच्या डिझेलसह ताब्यात घेतले परंतु एका दिवसात एवढ्या मोठ्या प्रमाणात चोरी होणाऱ्या या डिझेल प्रकरणाचे दक्षिण मध्य रेल्वे प्रशासनातील वरिष्ठ अधिकाऱ्यांना यत्किंचितही गांभीर्य नसावे ही निश्चितच गंभीर बाब म्हणावी लागेल विशेष म्हणजे पुर्णा रेल्वे डिझेल डेपोत नियमानुसार डिझेल टँकर खाली करीत असतांना डिझेल आवक/जावक दर्शवण्यासाठी लावले गेलेल्या मिटरसह (Flow Meter) सिसीटीव्ही कॅमेरे देखील पुर्णपणे बंद करुन सुनियोजित पद्धतीने मागील अनेक वर्षांपासून सोईस्कररित्या डिझेल घोटाळ्याची मालिका चालवली जात असतांना याकडे वरिष्ठ अधिकाऱ्यांसह सुरक्षा यंत्रणांचे देखील लक्ष जाऊ नये यावर कुणाचाही विश्वास बसणार नाही याहीपेक्षा गंभीर गोष्ट म्हणजे या सातत्याने होणाऱ्या डिझेल घोटाळ्याकडे एक जवाबदार अधिकारी म्हणून जाणीवपूर्वक दुर्लक्ष करणारे पुर्णा रेल्वे क्र्यु-बुकींग लॉबीचे तत्कालीन मुख्य कर्मीदल अधिक्षक चेपूरी सुरेश यांच्यावर देखील दक्षिण मध्य रेल्वे प्रशासनाने ठपका ठेवून दोषी ठरवले पुर्णा रेल्वे डिझेल डेपोतील चोरी प्रकरणासह या प्रकरणानंतर घडलेल्या किंवा घडवण्यात आलेल्या रेल्वे मेकॅनिकल स्टोअररुम जळीत प्रकरणाचा देखील मुख्य कर्मिदल अधिक्षक चेपूरी सुरेश यांच्यावर २८ मार्च २०२४ रोजी नोटीस (मेमो) देऊन ठपका ठेवण्यात आला सदरील गंभीर प्रकरणात चौकशीच्या कचाट्यात अडकलेल्या तत्कालीन मुख्य कर्मीदल अधिक्षक चेपुरी सुरेश या आरोपीत अधिकाऱ्याला रेल्वे डिझेल डेपोतील डिझेल चोरीकडे बेजबाबदारपणे दुर्लक्ष केल्यासह मेकॅनिकल स्टोअररुम जळीत प्रकरणाचा देखील ठपका ठेवण्यात आला असतांना देखील दक्षिण मध्य रेल्वे प्रशासनातील पुर्व सहाय्यक विभागीय यांत्रिक अभियंता विनोद साठे यांच्या बदलीनंतर पदभार घेतलेले नुतन सहाय्यक विभागीय यांत्रिक अभियंता जयप्रकाश यांनी पुर्णा रेल्वे क्र्यु-बुकींग लॉबीचा पदभार पुन्हा एकदा आरोपीत मुख्य कर्मीदल अधिक्षक चेपूरी सुरेश यांच्याकडे कोणत्या कारणास्तव सोपवला असावा असा प्रश्न उपस्थित होत असून संबंधित चौकशीच्या घेऱ्यात अडकलेल्या मुख्य कर्मीदल अधिक्षक चेपुरी सुरेश यांच्याकडून पुन्हा एकदा डिझेल डेपोतील डिझेल घोटाळा प्रकरणातील महत्वाच्या कागदपत्रांची विल्हेवाट तर लावण्याचा कट तर रचल्या जात नाही ना ? असा गंभीर प्रश्न रेल्वे कर्मचारी वर्गातूनच व्यक्त होतांना दिसत असून पुर्णा रेल्वे स्थानकावरील रेल्वे डिझेल डेपोत कार्यरत डिझेल घोटाळेबाज मुख्य आरोपी आरसीडी मुख्य अधिक्षक माधव बलफेवाड (पुर्व रेल्वे सुरक्षा बल कर्मचारी),आरसीडी सहाय्यक अधिक्षक मोहम्मद इस्लाऊद्दीन उर्फ मोबीन,डि.कृष्णा आरसीडी चिफ लोको इन्स्पेक्टर,ओएस कांचन कुमार आदींसह या गंभीर प्रकरणात चौकशीच्या घेऱ्यात अडकलेल्या पुर्व सहाय्यक विभागीय यांत्रिक अभियंता विनोद साठे मुख्य कर्मीदल अधिक्षक चेपुरी यांच्यावर कठोरात कठोर कारवाई न करता दक्षिण मध्य रेल्वे प्रशासनातील वरिष्ठ रेल्वे अधिकाऱ्यांनी थातूरमातूर कारवाया करुन त्यांना दक्षिण मध्य रेल्वे नांदेड विभागांतर्गतच सन्मानपूर्वक पदबहाली दिल्याने दक्षिण मध्य रेल्वे प्रशासनातील वरिष्ठ अधिकारी संबंधित डिझेल घोटाळेबाजांवर एवढे मेहेरबान का ? असा प्रश्न उपस्थित होत असून पुर्णा रेल्वे डिझेल डेपोतील डिझेल घोटाळा प्रकरण सिबीआयसह किंवा प्रवर्तन निर्दशालयाकडे देण्यास दक्षिण मध्य रेल्वे प्रशासनातील वरिष्ठ अधिकारी का घाबरत आहेत ? या प्रश्नावर आता वादळ निर्माण होण्याची शक्यता वर्तवली जात आहे दरम्यान या प्रकरणातील एक असलेले आरसीडी सहाय्यक अधिक्षक मोहम्मद इस्लाऊद्दीन उर्फ मोबीन अद्यापही चौकशीला सामोरे जाण्याऐवजी कायम  जामीनासाठी उच्च न्यायालयाच्या औरंगाबाद खंडपीठात चकरा मारत असून त्यांच्या वडीलांच्या विनंती वरुन त्यांना सन्माननीय उच्च न्यायालयाच्या औरंगाबाद खंडपीठाने शेवटची संधी म्हणून जामीन याचिकेवर सुनावणीसाठी दि.२४ जुलै २०२४ ही तारीख दिली आहे.

💥 पुर्णा रेल्वे डिझेल डेपोतील डिझेल घोटाळ्यावर उपस्थित होणारे गंभीर प्रश्न :-

🔴 पुर्णा रेल्वे डिझेल चोरी प्रकरणी आतापर्यंत किती रेल्वे अधिकारी/कर्मचारी चौकशीच्या घेऱ्यात किती अधिकारी/कर्मचाऱ्यांना अटक करण्यात आली ? दक्षिण मध्य रेल्वे विभागांतर्गत त्यांच्यावर कोणती कठोरात कठोर कारवाई करण्यात आली ?

 🔴 डिझेल डेपोतील डिझेल घोटाळा प्रकरणातील रेकॉर्डवरील आरोपींसह त्यांना सहकार्य करणाऱ्या अधिकाऱ्यांवर कोणतीही विभागीय प्रक्रिया किंवा कार्यवाही सुरू झाली आहे की नाही ?

🔴 सुरक्षा यंत्रणांनी अटक केलेल्या/ गुंतलेल्या रेल्वे डिझेल घोटाळ्यातील अधिकारी/कर्मचाऱ्यांची नांदेड दक्षिण मध्य रेल्वे विभागाबाहेर बदली करण्यात आली आहे का ?  

🔴 दक्षिण मध्य रेल्वे प्रशासनाने पुर्णा डिझेल डेपोतील डिझेल घोटाळ्यात अटक केलेल्या/ गुंतलेल्या रेल्वे अधिकारी/कर्मचाऱ्यांवर काही आरोपपत्र दाखल केले काय किंवा त्यांच्यावर कठोर कारवाई केली आहे का ?  

🔴 पुर्णा जंक्शन रेल्वे डिझेल डेपोतील घोटाळा प्रकरणी अटक केलेल्या/ गुंतलेल्या रेल्वे अधिकारी/कर्मचाऱ्यांविरुद्ध सेवा पुस्तीकेत (रेकॉर्डमध्ये) काही नोंदी/टिप्पणी करण्यात आली होती का ? 

🔴 पुर्णा रेल्वे डिझेल डेपोतील डिझेल घोटाळा प्रकरणात अटक केलेल्या/ गुंतलेल्या रेल्वे अधिकारी/कर्मचाऱ्यांची आणि त्यांच्या नातेवाईक/सहकार्यांच्या मालमत्तेची माहिती नांदेड दक्षिण मध्य प्रशासनाने गोळा केली आहे का ? 

 🔴 पुर्णा रेल्वे डिझेल डेपोतील (आरसीडी) डिझेल चोरी प्रकरणाची नोंद झाल्यानंतर दक्षिण मध्य रेल्वे प्रशासनाने संबंधित प्रशासनाकडून अटक केलेल्या/ गुंतलेल्या रेल्वे कर्मचाऱ्यांच्या मालमत्तेचा तपशील गोळा केला आहे का ?  

🔴 पूर्णा/नांदेड स्थानकावर कोणतेही स्टॉल/मिल्क पार्लर किंवा कोणतेही रेल्वे टेंडर पुर्णा रेल्वे डिझेल डेपोतील (आरसीडी) डिझेल चोरी प्रकरणात अटक केलेल्या/सहभागी असलेल्या रेल्वे कर्मचाऱ्यांच्या बाजूने वाटप करण्यात आले होते का ? किंवा रेल्वे कर्मचाऱ्यांच्या कुटुंबातील सदस्यांना निविदा न देण्याबाबत कोणतेही कॅटरिंग धोरण दक्षिण मध्य रेल्वे नांदेड विभागाने किंवा रेल्वे मंत्रालयाने जारी केले आहे का ?

🔴 नांदेड विभागातील रेल्वे संस्था/रेल्वे कर्मचारी कोऑपरेशन सोसायटीमध्ये कोणतेही पद भूषविलेल्या पूर्णा आरसीडी डिझेल चोरी प्रकरणातील अटक/संलग्न रेल्वे अधिकारी/कर्मचाऱ्यांची तसेच पूर्णा आरसीडी डिझेल चोरी प्रकरणाची माहिती संबंधित संस्थांना देण्यात आली होती का ? 

असे एक नव्हे तर असंख्य प्रश्न पुर्णा रेल्वे डिझेल डेपोतील डिझेल घोटाळ्यानंतर सातत्याने उपस्थित होत असतांना नांदेड दक्षिण मध्य रेल्वे प्रशासनातील वरिष्ठ अधिकारी मुग गिळून गप्प का ? 'उपरवाला मेहेरबान तो बेईमान गधा पहलवान' अशी अवस्था या डिझेल घोटाळ्यातील आरोपीतांची झाल्याने ते सार्वजनिक ठिकाणी छातीठोकपणे '' हमारा बाल भी बाका नहीं हुवा " असे म्हणून या रेल्वे डिझेल डेपोतील डिझेल महाघोटाळा प्रकरणा संदर्भात सडेतोड लिखाण करणाऱ्या प्रसार माध्यमांच्या प्रतिनिधींना धमकावतांना दिसत आहेत.....