🌟पत्रकार कैलास शर्मा यांची चिखली अडत व्यापारी असोसिएशनच्या अध्यक्षपदी बिनविरोध निवड....!

🌟तर उपाध्यक्षपदी रामेश्वर गायकवाड व सचिवपदी विकास गुरुदासाणी यांची निवड 🌟

 ✍️ मोहन चौकेकर 

बुलढाणा : बुलढाणा जिल्ह्यातील चिखली येथील प्रतिष्ठीत अडत व्यापारी तथा पत्रकार कैलास हरिराम शर्मा ( भादूपोता ) यांची चिखली कृषी उत्पन्न्‍ बाजार समिती अडत व्यापारी असोसिएशनच्या अध्यक्षपदी एकमताने बिनविरोध निवड करण्यात आली. तर उपाध्यक्षपदी रामेश्वर गायकवाड,सचिवपदी विकास गुरुदासाणी यांची निवड करण्यात आली आहे.

नुकत्याच संपन्न्ं झालेल्या अडत व्यापारी असोसिएशनच्या बैठकीमध्ये कैलास शर्मा यांची निवड करण्यात आली. मावळते अध्यक्ष उमेश लढढा यांच्याकडून त्यांनी अध्यक्षपदाची सुत्रे स्विकारली.कैलास शर्मा हे मागील अनेक दशकांपासून पत्रकारितेच्या क्षेत्रामध्ये कार्यरत असून कृषी उत्पनं बाजार समितीमध्ये अडत व्यापारी म्हणून देखील काम करीत आहेत. सामाजिक कार्यात कायम अग्रेसर असलेले कैलास शर्मा हे बाजार समितीमध्ये अडत व्यापाऱ्यांकरिता लढणारे व्यक्तीमत्वं म्हणून नावलौकीक मिळवून आहेत. कृषी उत्पन्नं बाजार समिती प्रशासनाव्दारे बाजार समिती स्थानिक एम आय डी सी परिसरात हलविण्याचा घाट घातला जात असतांना त्यांना सबळ पुराव्यानिशी कैलास शर्मा यांनी विरोध केला होता परिणामस्वरुप बाजार समिती प्रशासनाला आपला निर्णय बदलावा लागला होता. बाजार समिती मध्ये असलेल्या अडत व्यापाऱ्यांच्या अनेक समस्यांवर कैलास शर्मा यांनी न्याय मिळवून दिला होता. बाजार समिती परिसरात होत असलेल्या भुरटया चोऱ्या  तसेच शेतकऱ्यांचा माल चोरटयांनीच बाजार समितीला विकल्याच्या तक्रारीमुळे पोलीस प्रशासनाकडून अडत व्यापाऱ्यांना दिल्या जात असलेल्या त्रासाबद्दल जिल्हाधिकारी  जिल्हा पोलीस अधिक्षक यांच्यापर्यंत जावून व्यापाऱ्यांना न्याय मिळवून देण्यात कैलास शर्मा यांची मोलाची कामगीरी राहिली आहे 

अभ्यासू व्यक्तीमत्वं असलेल्या कैलास शर्मा यांच्या बाजार समिती अडत व्यापारी असोसिएशनच्या अध्यक्षपदी झालेल्या निवडीचे समाजाच्या सर्व स्तरातून कौतुक होत असून त्यांच्यावर अभिनंदनाचा वर्षाव होत आहे.....

✍️ मोहन चौकेकर