🌟राज्य सरकारने राज्यात लागू केलेल्या सात महत्वपूर्ण लोकहीतवादी योजनांचा मुख्यमंत्री एकनाथ शिंदेंनी घेतला आढावा...!

🌟मुख्यमंत्री एकनाथ शिंदे यांनी अधिकारी/कर्मचाऱ्यांना योजनांच्या काटेकोर अंमलबजावणीचे दिले निर्देश🌟

मुंबई :- महाराष्ट्र विधानसभेच्या अर्थसंकल्पात समाविष्ट आणि महत्वाकांक्षी म्हणून जाहीर केलेल्या सात विविध योजनांचे उद्दिष्ट साध्य करण्यासाठी मुख्यमंत्री Eknath Shinde - एकनाथ संभाजी शिंदे यांनी या योजनांच्या अंमलबजावणीचा आढावा घेतला. 

मुख्यमंत्री माझी लाडकी बहीण योजना (महिला व बालविकास), मुख्यमंत्री युवा कार्य प्रशिक्षण योजना (कौशल्य विकास), मुख्यमंत्री अन्नपुर्णा योजना (अन्न व नागरी पुरवठा), मुलींना मोफत उच्च शिक्षण योजना ( उच्च व तंत्र शिक्षण), मुख्यमंत्री तीर्थक्षेत्र दर्शन योजना (सामाजिक न्याय), मुख्यमंत्री बळीराजा वीज सवलत योजना (ऊर्जा) आणि मुख्यमंत्री वयोश्री योजना (सामाजिक न्याय) या योजनांचा यावेळी तपशीलवार आढावा घेण्यात आला. या योजना लाभार्थ्यांपर्यंत पोहचवण्यासाठी प्रभावी कार्यवाही करण्याचे निर्देशही मुख्यमंत्र्यांनी दिले.

* महत्त्वाकांक्षी योजनांच्या आढावा बैठकीत मुख्यमंत्र्यांनी दिलेले निर्देश -

७ महत्त्वाकांक्षी योजनांचे उद्दिष्ट साध्य करण्यासाठी प्रत्येक योजनेसाठी जिल्हास्तरावर समन्वय अधिकारी नियुक्त करा. या योजनांचा दर आठवड्याला आढावा घेण्यात येईल. त्यासाठी लाभार्थ्यांच्या याद्या युध्दपातळीवर तयार करण्यात याव्यात. 

मुख्यमंत्री युवा कार्य प्रशिक्षण कार्यक्रमासाठी शासकीय तसेच विविध प्राधिकरणे, स्थानिक स्वराज्य संस्था, महामंडळे आदी विभागांनी तातडीने अशा पात्र उमेदवारांची नोंदणी करून, त्यांना त्यांच्या पात्रतेनुसार या योजनेत सामावून घ्यावे, जेणेकरून मोठ्या संख्येने उमेदवारांना या योजनेतील विद्यावेतन देणे शक्य होईल.  

जिल्हाधिकाऱ्यांनी आणि विभागीय आयुक्तांनीही या योजनांच्या प्रगतीचा, त्यातील नोंदणींचा दर आठवड्याला आढावा घ्यावा लाभार्थ्यांपर्यंत योजना पोहचवण्यासाठी प्रयत्न करण्यात यावे असे निर्देश मुख्यमंत्री एकनाथ शिंदे अधिकारी/कर्मचाऱ्यांना दिले.

* मुख्यमंत्री एकनाथ शिंदे सरकारने राज्यात लागू केलेल्या लोकहीतवादी योजना :-

✅ #मुख्यमंत्री_माझी_लाडकी_बहीण योजनेत नोंदणी करताना कुठेही महिला-भगिनींची अडवणूक होता कामा नये. याकडे संबंधित जिल्हाधिकाऱ्यांनी कटाक्षाने लक्ष ठेवावे. नोंदणी करतानाच्या अडचणी दूर कराव्यात. तसेच आलेल्या अर्जांची पात्रता निश्चित करण्यासाठी तातडीने कार्यवाही करण्यात यावी. 

✅ या योजनेची माहिती ग्रामपंचायत तसेच शहरातील वार्डा-वार्डापर्यंत पोहचली आहे. महिला भगिनींचा प्रतिसादही मोठा आहे. त्यांची नोंदणी करण्यासाठी आवश्यकता भासल्यास केंद्रांची संख्या वाढवण्यावत यावी. याशिवाय थेट लाभ बँकेत जमा होणार असल्याने महिलांचे आधार आणि बँक खात्यांची माहिती काळजीपूर्वक भरली जाईल याकडे लक्ष द्यावे. 

✅ #मुख्यमंत्री_युवा कार्य प्रशिक्षण योजनेत उद्योग विभागासह, प्रदूषण नियंत्रण मंडळ, एमआयडीसी यासारख्या महामंडळासंह, सेवा क्षेत्रातील बँका-संस्था, सहकारी संस्था- कारखाने, दुध संस्था अशा सर्वांकडून मागणीची नोंद होईल, असे प्रयत्न व्हावेत. प्रत्येक जिल्ह्याने प्रशिक्षणार्थी उमेदवारांचे उद्दिष्ट निश्चित करून, येत्या काळात प्रशिक्षणार्थ्यांना प्रत्यक्ष प्रशिक्षण आणि विद्यावेतन मिळेल यासाठी प्रय़त्न करण्याचे निर्देश दिले.

✅ #मुख्यमंत्री_तीर्थ_दर्शन योजनेत देशातील ७३ आणि राज्यातील ६८ तीर्थस्थळांचा समावेश आहे. त्यामध्ये मध्यप्रदेशातील महू हे भारतरत्न डॉ. बाबासाहेब आंबेडकर यांचे जन्मस्थळ, महाडचे चवदार तळे, भगवान बिरसा मुंडा यांचे झारखंडमधील रांची येथील स्थळ, नागपूरची दीक्षाभूमी यांचाही यात समावेश करण्याचे निर्देश दिले. 

✅ #मुख्यमंत्री_वयोश्री योजनेतही राज्यात १९ हजार १३ अर्ज पात्र ठरले आहेत. या ज्येष्ठांना लवकरच त्यांच्या खात्यात लाभाची रक्कम देण्यात यावी. तसेच त्यासाठीचे नवीन पोर्टल लवकरात लवकर कार्यान्वित करण्यात यावे.

✅ #मुख्यमंत्री_बळीराजा वीजसवलत  योजनाची त्वरेने कार्यवाही व्हावी.

✅ #मुख्यमंत्री_अन्नपूर्णा योजनाही महिलांसाठी महत्वाची आहे. या योजनेची अमंलबजावणी तातडीने व्हावी, त्यासंदर्भातील शासन निर्णय काढण्यात यावा, असे निर्देश देण्यात आले. 

✅ #मुलींना_मोफत_उच्च_शिक्षण योजनेला गती देण्यात येत असून मुलींचे उच्च शिक्षण थांबू नये यासाठी ही महत्वाची  योजना आहे. त्यामुळे या योजनेला निधी कमी पडू दिला जाणार नाही. संबंधित विभागांनी समन्वयाने या योजनेची अंमलबजावणी करण्याचे निर्देश देण्यात आले....