🌟पुर्णेतील मेजर ध्यानचंद स्पोर्ट्स अकॅडमीचे दोन विद्यार्थी यशस्वी एकाची पोलिस दलात निवड तर दुसरा पोलीस पाटील....!

🌟मेजर ध्यानचंद स्पोर्ट्स अकॅडमी युवकांना पोलीस भर्ती,आर्मी भरतीसाठी मैदानी प्रशिक्षण देण्याचा यशस्वी उपक्रम राबवते🌟 

पुर्णा (दि.१६ ऑगस्ट २०२४) :- पुर्णा येथील मेजर ध्यानचंद स्पोर्ट्स अकॅडमीचे दोन विद्यार्थी यशस्वी झाले असून एकाची परभणी जिल्हा पोलिस दलात निवड तर दुसऱ्याची पोलीस पाटील पदावर निवड झाल्याने ७८ व्या भारतीय स्वतंत्र दिनाचे औचित्य साधून गुरुवार दि.१५ ऑगस्ट २०२४ रोजी मेजर ध्यानचंद स्पोर्ट्स अकॅडमीच्या वतीने त्यांच्या सत्काराचे आयोजन करण्यात आले होते. 

मेजर ध्यानचंद स्पोर्ट्स अकॅडमीचा कॅप्टन आकाश भोसले यांची परभणी जिल्हा पोलिस दलात पोलीस शिपाई पदावर निवड झाली असून त्यांचा सपत्नीक सत्कार करण्यात आला तर मच्छिन्द्रनाथ भोसले पुर्णा तालुक्यातील सुहागण गावाच्या पोलीस पाटील पदी निवड झाली आहे या दोन्ही विद्यार्थांचा अकॅडमी तर्फे सत्कार करण्यात आला या प्रसंगी सत्कार कार्यक्रमाचे अध्यक्ष म्हणून प्राचार्य अंबादास काळे तर प्रमुख पाहुणे म्हणून जेष्ठ क्रीडा शिक्षक सज्जन जस्वाल, स्वराज अकॅडमी स्पर्धा परीक्षा मार्गदर्शन केंद्राचे संचालक प्रा. ज्ञानेश्वर बोकारे आदी उपस्थित होते. मेजर ध्यानचंद स्पोर्ट्स अकॅडमी तर्फे पोलीस भर्ती,आर्मी भर्ती ई अनेक भरतीचे मैदानी प्रशिक्षण देण्यात येते तर स्वराज अकॅडमी स्पर्धा परीक्षा मार्गदर्शन केंद्र तर्फे लेखी परीक्षेची तयारी करण्यात येते. पोलीस भर्ती नवीन बॅच 15 ऑगस्ट पासून सुरु झाली असून ज्या विद्यार्थ्यांना प्रवेश घ्यावया चा असेल त्यांनी संध्याकाळी 4.30 तें 6.30 या वेळेत अकॅडमीस भेट द्यावी असे आवाहन मेजर ध्यानचंद स्पोर्ट्स अकॅडमीचे संचालक प्रा.डॉ.महेश जाधव यांनी केले....