🌟पुर्णा रेल्वे पॉवर हाऊस परिसरातील महिलेच्या झालेल्या निर्घृण हत्या प्रकरणात ०४ संशयित आरोपी पोलिसांच्या ताब्यात.....!

🌟मयत महिलेच्या मुलाने दिलेल्या फिर्यादीवरून पुर्णा पोलीस स्थानकात हत्येचा गुन्हा दाखल🌟 

पुर्णा (दि.१५ सप्टेंबर २०२४) :- पुर्णा शहरातील रेल्वे पॉवर हाऊस मागील परिसरात काल शनिवार दि.१४ सप्टेंबर २०२४ रोजी सकाळी १०.०० वाजेच्या सुमारास एका महिलेचा अर्धनग्न अवस्थेतील रक्ताच्या थारोळ्यात पडलेला मृतदेह आढळून आला होता पोलीस तपासात सदरील महिलेची निर्घृण हत्या झाल्याचा प्राथमिक अंदाज व्यक्त करण्यात आला होता सहाय्यक पोलीस अधिक्षक जिवन बेनिवाल यांच्या मार्गदर्शनाखाली पुर्णा पोलीस व स्थानिक गुन्हें शाखेच्या पथकाने घटनास्थळावर दाखल होऊन मृतदेह ताब्यात घेऊन उत्तरीय तपासणीसाठी ग्रामीण रुग्णालय पुर्णा येथे पाठवल्यानंतर प्राप्त माहितीनुसार मयत महिलेची निर्घृण हत्या झाल्याचे निदर्शनास आले सदरील महिलेच्या हत्या प्रकरणी पुर्णा पोलिसांनी तपासाची चक्र जलद गतीने फिरवून चार ते पाच संशयित आरोपींना ताब्यात घेतल्याचे समजते आले.

पुर्णा शहरातील रेल्वे परिसरातील पंचशील नगर/विजयनगर नगर लगत असलेल्या रेल्वे पॉवर हाऊस मागील मैदानावरील झाडाझुडुपांमध्ये एका अंदाजे पंचेचाळीस ते पन्नास वर्षे वयोगटातील महिलेचा अर्धनग्न अवस्थेतील रक्ताच्या थारोळ्यात पडलेला मृतदेह शनिवारी सकाळी परिसरातील नागरिकांच्या निदर्शनात आला होता पोलिसांनी मृतदेह ताब्यात घेऊन घटनास्थळाच्या पंचनामा करीत महिलेचे प्रेत उत्तरीय तपासणी करून  नातेवाईकांच्या स्वाधीन केले होते या घटने प्रकरणी पुर्णा पोलिसांनी शनिवारी रात्री उशिरा मयत महिलेचा मुलगा श्याम अनिल चिकाटे यांच्या फिर्यादीवरून मयत महिला रमाबाई चिकाटे राहणार सिद्धार्थ नगर पूर्णा हिचा कोणीतरी अज्ञात आरोपींनी अज्ञात कारणावरून निर्घृण हत्या करून तिचा मृतदेह रेल्वे पॉवर हाऊस मागील मैदानावरील झाडाझुडुपांमध्ये फेकून दिला असल्याची फिर्याद पुर्णा पोलिसांना दिली होती पुर्णा पोलिसांनी भारतीय न्याय संहिता कलमानुसार अज्ञात आरोपी विरोधात हत्येचा गुन्हा दाखल केला हा प्रकार घडल्यानंतर पोलिसांनी प्राथमिक दृष्ट्या तपासाची चक्री फिरवण्यास सुरुवात केली असून आरोपीचा छडा लावण्यासाठी चार ते पाच जणांना प्राथमिक चौकशीसाठी आज रविवार रोजी ताब्यात घेण्यात आले. या खून प्रकरणाचा छडा लावण्यासाठी स्थानिक गुन्हे शाखेचे पोलीस निरीक्षक अशोक घोरबाडं,पोलीस निरीक्षक विलास गोबाडे यांच्या मार्गदर्शनाखाली स्थानिक पोलीस आणि स्थानिक गुन्हा शाखेचे पथक कर्तव्य बजावत आहे.....