🌟तुळजापूर येथील श्री तुळजभवानी देवीचे दर्शन घेऊन पुर्णेकडे परत येत असतांना क्रुझर जीप पलटी होऊन १३ प्रवासी जखमी....!

🌟फरकंडा रोडवरील घटना : नांदेड येथे जखमींवर उपचार सुरू🌟

परभणी (दि.१२ सप्टेंबर २०२४) : श्रीक्षेत्र तुळजापूर येथील श्री तुळजभवानी देवीचे दर्शन घेऊन पुर्णेकडे परत येत असताना बुधवार दि.११ रात्री ०९.३० वाजण्याच्या सुमारास फरकंडा रोडवरील हनुमान मंदिराजवळ क्रुझर जीप पलटी होवून झालेल्या भिषण अपघातात १२ ते १३ प्रवासी जबर जखमी झाल्याची दुर्दैवी घटना घडली.

     क्रुझर जिपमधील सर्वच प्रवाश्यांना जबर मार लागलेला आहे त्यामध्ये वाहन चालक उत्तम वाघमारे यांना बुधवारी रात्री नांदेडच्या शासकीय रुग्णालयात उपचारासाठी नेण्यात आले सर्व प्रवाशांवर सुरूवातील तेथेच दाखल करण्यात आले होते. नंतर गुरूवारी सकाळी काही रूग्ण खाजगी दवाखान्यामध्ये दाखल करण्यात आले. गाडी मालक व चालक उत्तम वाघमारे यांंच्यावर नांदेडमधील खाजगी रूग्णालयात उपचार सुरू आहेत. दरम्यान, या अपघातातील सर्वजण पूर्णा येथील रहिवासी असल्याची माहिती हाती आली आहे......