🌟परभणी येथील कृषी तंत्रज्ञान माहिती केंद्रात 'एक पेड मॉ के नाम' कार्यक्रम संपन्न....!

🌟कुलगुरू डॉ.इंन्द्र मणि व संचालक विस्तार शिक्षण डॉ.भगवान आसेवार यांच्या निर्देशानुसार यशस्वीरित्या कार्यक्रम संपन्न🌟 

परभणी :- परभणीतील वसंतराव नाईक मराठवाडा कृषि विद्यापीठ अंतर्गत कृषी तंत्रज्ञान माहिती केंद्र, वनामकृवि,परभणी येथे "एक पेड मॉ के नाम" हा कार्यक्रम वसंतराव नाईक मराठवाडा कृषी विद्यापीठाचे माननीय कुलगुरू डॉ.इंन्द्र मणि व संचालक विस्तार शिक्षण डॉ.भगवान आसेवार यांच्या निर्देशानुसार यशस्वीरित्या पार पाडला.

       भारताच्या माननीय पंतप्रधानांनी "एक पेड मॉ के नाम" ग्लोबल कॅम्पेन सुरू केला आहे जागतिक अभियानाचा एक भाग म्हणून सप्टेंबर 2024 पर्यंत देशभरात 80 कोटी रोपे आणि मार्च 2025 पर्यंत 140 कोटी रोपे लावण्याचा प्रयत्न केला जात असल्याची माहिती पर्यावरण वन आणि हवामान बदल मंत्रालयाने दिली. या मोहिमेचा एक भाग म्हणून कृषी व शेतकरी कल्याण मंत्रालयामार्फत मोहीम राबविण्यात येत आहे.त्याच धर्तीवर कृषी तंत्रज्ञान माहिती केंद्र यांच्या प्रक्षेत्रावर वृक्षारोपण करण्यात आले. याप्रसंगी कृषी महाविद्यालय परभणी येथील ग्रामीण कृषी कार्यानुभवच्या विद्यार्थिनी, कृषी तंत्रज्ञान माहिती केंद्र, वसंतराव नाईक मराठवाडा कृषि विद्यापीठ परभणी चे व्यवस्थापक डॉ. गजानन गडदे, कनिष्ठ संशोधन सहाय्यक डॉ. दिपाली सवंडकर व  इतर कर्मचारी उपस्थित होते. सदरील वृक्षारोपणात विविध प्रकारची वनस्पती जसे की बकुळ, गुलमोहर, कडुलिंब व करंजी ची रोपे लावण्यात आली.....