🌟जंग-ए-अजित न्युज - महत्वाच्या अपडेट / हेडलाईन्स / बातम्या.......!

🌟नांदेडचे माजी खासदार भास्करराव खतगावकरांची काँग्रेसमध्ये घरवापसी,सून मीनल खतगावकरांचाही काँग्रेसमध्ये प्रवेश🌟 

✍️ मोहन चौकेकर

* राज्यात १० ऑक्टोबरनंतर आचारसंहिता लागण्याची शक्यता...हरियाणा, जम्मू काश्मीरचा निकाल जाहीर झाल्यानंतर लगेच होणार महाराष्ट्राच्या निवडणुकींची घोषणा

* मविआचा जागावाटपाचा फॉर्म्युला ठरला, ठाकरेंची शिवसेना १००, काँग्रेस १०० तर पवारांची राष्ट्रवादी ८४ जागा लढणार असल्याची माहिती, मित्रपक्षांना ४ जागा राखीव

* जागावाटपावरून महायुतीत खटके.... संजय राऊतांचं काही ऐकत जाऊ नका, नाना पटोलेंच्या वक्तव्यामुळे वाद...तर जागा कुणामुळे वाढल्या यावरून संजय राऊत, बाळासाहेब थोरातांमध्ये खडाजंगी.

* आमदार भरत गोगावलेंची एसटी महामंडळाच्या अध्यक्षपदी नियुक्ती, मंत्रिपदाच्या अपेक्षेत असलेल्या भरत गोगावलेंकडे एसटी महामंडळाचे अध्यक्षपद 

* नांदेडचे माजी खासदार भास्करराव खतगावकरांची काँग्रेसमध्ये घरवापसी,सून मीनल खतगावकरांचाही काँग्रेसमध्ये प्रवेश

* अजित पवारांच्या राष्ट्रवादीनंतर रामदास आठवलेंनीही नितेश राणेंना फटकारलं...मुस्लिम विरोधात वक्तव्यं न करण्याचा दिला सल्ला...

* तिरुपती प्रसादाच्या लाडूमध्ये गोमांस, चरबी आणि फिश ऑइल मिसळलं जातंय, प्रयोगशाळेच्या अहवालाचा हवाला देत आंध्र प्रदेशातील सत्ताधारी तेलुगू देसम पक्षाचा दावा ;  तिरुपती देवस्थानच्या प्रसादाचा वाद थेट दिल्लीत पोहोचला, केंद्रीय आरोग्य मंत्रालयाने आंध्र प्रदेश सरकारकडून अहवाल मागवला 

*;अशोक चव्हाण यांना मोठा धक्का, मेहुणे भास्करराव खतगावकर यांचा काँग्रेसमध्ये प्रवेश ; काँग्रेसनं मुख्यमंत्रिपदावर दावा करू नये, आमच्यामुळं त्यांच्या जागा वाढल्या, खासदार संजय राऊत यांचा इशारा ;

* देवेंद्र फडणवीसांनी दबाव टाकून आमचं घर फोडलं; काँग्रेस नेते, माजी मंत्री मधुकरराव चव्हाण यांचा गंभीर आरोप 

* 'महायुती ओबीसींना न्याय देऊ शकत नाहीत, छगन भुजबळ साहेबांना हात जोडून आलो', ओबीसी नेते ईश्वर बाळबुद्धे यांचा शरद पवारांच्या राष्ट्रवादीत प्रवेश  ;  अजित पवारांच्या कट्टर समर्थकाची निरोपाची भाषा, चिंचवडचे इच्छुक उमेदवार नाना काटे म्हणाले, भाजपला जागा मिळाली तर माझ्यासाठी इतर पक्षांचे पर्याय खुले

* उपोषणाचा चौथा दिवस,आधाराशिवाय चालणं कठीण,मराठा आंदोलक मनोज जरांगेंची प्रकृती खालावली ; मुख्यमंत्री शिंदेंचे निर्देश,मंत्री शंभूराज देसाईंनी बोलावली तातडीची बैठक,मराठा, धनगर आणि मातंग समाजाच्या मागण्यांचा आढावा  

सरकारमध्ये असलो तरी मी आधी समाजाचा, 23 तारखेला राज्यभर रास्ता रोको, भाजप आमदार गोपीचंद पडळकरांचा एल्गार ;  मराठा तेवढाच मेळवावा आणि ओबीसी संपवावा, हे एकनाथ शिंदेंचं धोरण ; ओबीसी नेते लक्ष्मण हाकेंचा हल्लाबोल 

* आमदार नितेश राणेंवर कारवाई करा,अजितदादांचे विधानपरिषदेचे आमदार सतीश चव्हाण यांचे गृहमंत्री देवेंद्र फडणवीसांना पत्र ;  मुंबईत जागावाटपाची चर्चा असतानाच नाशिकमध्ये महायुतीत मिठाचा खडा; जिल्ह्यातील सर्वच जागांवर तयारी असल्याचा भाजपचा इशारा 

* राजकारणात आल्यानंतर माझे केस पांढरे झाले, काही जण केस काळे करून तरुणांसारखे ड्रेस घालतात; रोहित पवारांचा राम शिंदेंना टोला

* महाराष्ट्राला रोहित पवारांसारखा शिक्षणमंत्री मिळाल्यास मुलांचे भविष्य उज्ज्वल, 'आप'च्या मनिष सिसोदियांकडून तोंडभरुन कौतुक 

* पुण्यातील रस्त्यांना 'विकास' सोसवेना; पेव्हिंग ब्लॉकचा रस्ता खचून अख्खा ट्रक बघता बघता गेला 'खड्ड्यात'! 

* तीन शाळकरी मुलांना विहिरीत ढकलून जीवे मारण्याचा प्रयत्न, नाशिकच्या सिन्नर तालुक्यातील खळबळजनक घटना ; मुलुंडमध्ये महिलेची आजोबांना विनयभंगाची केस टाकण्याची धमकी, आजोबा लोकल ट्रेनसमोर जाऊन बसले अन् जीवन संपवलं 

* चेन्नई कसोटीतील दुसरा दिवस गोलंदाजांनी गाजवला, बांगलादेशचा डाव 149 धावांवर आटोपला, दुसऱ्या दिवसाअखेर भारताकडे 308 धावांची आघाडी ;  जसप्रीत बुमराह, आकाश दीप, मोहम्मद सिराजने धडाधड विकेट्स घेतल्या; नवे प्रशिक्षक मोर्ने मॉर्केल यांची कमाल 

* म्हाडाचा मुदतवाढीचा निर्णय गेमचेंजर ठरला, मुंबईतील घरांसाठी लाखांहून अधिक अर्ज                                    

✍️ मोहन चौकेकर