🌟गुरु शिष्य परंपरा जोपासणारे एकमेव महाविद्यालय म्हणजे श्री गुरु बुद्धिस्वामी महाविद्यालय - अमृतराज कदम

🌟पुर्णेतील श्री गुरु बुध्दीस्वामी महाविद्यालयात शिक्षक दिनानिमित्त आयोजित कार्यक्रमात बोलतांना ते म्हणाले🌟 

पुर्णा :- पुर्णा येथील श्री गुरु बुद्धीस्वामी महाविद्यालयात सर्वपल्ली राधाकृष्णन यांच्या जयंती निमित्त महाविद्यालयात शिक्षक दिन साजरा करण्यात आला. कार्यक्रमाची सुरुवात  सर्वपल्ली राधाकृष्णन यांच्या प्रतिमा पूजनाने झाली याप्रसंगी  कार्यक्रमाला प्रमूख पाहूणे म्हणून संस्थेचे कार्याध्यक्ष  प्रमोदअण्णा एकलारे, सचिव अमृतराज कदम, सहसचिव  गोविंदराव कदम, महाविद्यालयाचे प्राचार्य डॉ. के. राजकुमार  ,उपप्राचार्य डॉ. गजानन कुरूंदकर व डॉ. शिवसांब कापसे, उपप्राचार्य आबाजी खराटे ,तसेच लोकप्रशासन विभागाचे विभागप्रमूख प्रा. डॉ. पांडूरंग भूताळे, हिंदी विभागप्रमूख प्रा. शेख फातेमा डॉ जितेंद्र पुल्ले, डॉ.राजीव यशवंते,  प्रा. डाफने चारुदत्त, प्रा. शेख सर,  यांची उपस्थिती होती.

सर्व मान्यवरांच्या उपस्थितीत शिक्षक दिना- निमित्त मनोगत कट्‌ट्याचे उद्‌घाटन करण्यात आले. याप्रसंगी महाविद्यालयातील विद्यार्थ्यांनी शिक्षकाबद्दल आदर व्यक्त करायासाठी आपले मनोगत व्यक्त केले. माजी विद्यार्थी प्रा.विष्णू आसोरे यांनी महाविद्यालयाबद्दल व  प्राध्यापकाबद्दल असणारी आत्मीयता आपल्या मनोगतातून व्यक्त केली. कार्यक्रमाचे प्रास्ताविक प्रा.डॉ. अंबिका चोंडे यांनी केले. विद्यार्थ्यांना मार्गदर्शन करताना संस्थेचे सचिव  अमृतराज कदम यांनी शिक्षक दिनानिमित्त सर्व शिक्षकांना शुभेच्छा दिल्या व गुरु-शिष्याची परंपरा जोपासणारे श्री गुरु बुद्धिस्वामी महाविद्यालय असून विद्यार्थी व्यक्तिमत्व विकासासाठी महाविद्यालय सतत प्रयत्नशील असते असे मत व्यक्त केले. मनोगत कट्टयासारख्या उपक्रमाला शुभेच्छा देवून विद्यार्थ्यांच्या सुप्त गुणांना वाव मिळावा यासाठी असे कार्यक्रम महाविद्यालयात आयोजित करण्यात यावे असे आवाहन केले.. तसेच महाविद्यालयाचे माजी विद्यार्थी म्हणून प्रा. डॉ.पांडूरंग भूताळे यांनी महाविद्यालयातील आठवणी व मी कसा घडत गेलो याचा उलगडा विद्यार्थ्यांच्या समोर केला, तसेच प्रा. शेख फातेमा मॅडम यांनी नैतिक मूल्यांची जोपासना करणे विद्यार्थीदशेत आवश्यक आहे असे मत व्यक्त केले.विद्यार्थी धनश्याम कदम यांनी सर्वपल्ली राधाकृष्ण यांचा अल्पपरिचय दिला. अध्यक्षीय समारोप महाविद्यालयाचे प्राचार्य  डॉ. के. राजकुमार यांनी करताना म्हटले कि, विदयार्थ्यांनी आपल्या मनोगत कट्टयामार्फत मोबाईल पेक्षा  मनाने केलेले लिखाण करावे. तर कार्यक्रमाचे सूत्रसंचालन कु.आश्विनी जोगदंड या विद्यार्थीनीने केले. तर आभार कु.मोनिका वाघमारे या विद्यार्थीनीने केले. कार्यक्रम यशस्वी करण्यासाठी विद्यार्थी विकास कक्ष समन्वयक प्रा. डॉ. विजय पवार, डॉ. वृषाली आंबटकर, डॉ. दिशा मोरे डॉ.सोमनाथ गुंजकर प्रा. डॉ. अंबिका चोंडे, डॉ. जयश्री स्वामी,डॉ. रेखा पाटील, डॉ. वर्षा धूतमल,डॉ.चिंचोले ओंकार प्रा.आसोरे, नागोराव साळवे यांनी कार्यक्रम यशस्वी करण्यासाठी प्रयत्न केले. महाविद्यालयातील सर्व प्राध्यापक व विद्यार्थी मोठ्या संख्येने उपश्चित होते.....