🌟पुर्णा शहरासह तालुक्यात पोलिस दलाच्या धाडसत्राने बंद पडलेल्या पानपट्या पुन्हा एकदा गुटखा शौकीनांचा सेवेत रुजू.....‌!

🌟तालुक्यात सर्वत्र 'गुटखा गिळ्यांच्या जिबीला चटका....मुखात दिवसरात्र गुटखा अन्न व औषध प्रशासनाचा कारभार थोटका'🌟

महाराष्ट्र राज्यात सर्वत्र सर्वत्र गुटखा पुड्यासह तंबाखूजन्य पदार्थांच्या विक्रीसह उत्पादनावर देखील बंदी असतांना देखील संपूर्ण राज्यात प्रचंड प्रमाणात गुटखा पुड्यांच्या उत्पादनासह मोठ्या प्रमाणात तस्करीसह मोठ्या प्रमाणात विक्री देखील होत असतांना राज्यातील अन्न व औषधी प्रशासन मुखात गु......टखा असल्यागत गप्प का ? असा प्रश्न उपस्थित होत आहे नांदेड परिक्षेत्रांतर्गत येणाऱ्या नांदेड,हिंगोली,परभणी,लातूर या चारही जिल्ह्यातील सर्वच तालुक्यांमध्ये गुटखा बंदी कायद्याची अक्षरशः पायमल्ली होत असतांनाचे भयावह चित्र पहावयास मिळत असतांनाच नांदेड परिक्षेत्राचे पोलिस उपमहानिरीक्षक पदाचा पदभार महाराष्ट्र पोलीस दलात अत्यंत अभ्यासू व कर्तव्यकठोर लोकहीतवादी पोलिस अधिकारी म्हणून ओळखल्या जाणारे श्री शहाजी उमाप यांनी स्विकारताच त्यांनी चारही जिल्ह्यातील अवैध गुटखा विक्रीसह तस्करी तसेच अन्य अवैध धंद्याच्या बंदीचे आदेश जारी केले त्यांच्या आदेशानुसार नांदेड,हिंगोली,लातूरसह परभणी जिल्ह्यात देखील पोलीस प्रशासनाकडून काहीकाळ मोठ्या प्रमाणात कारवायांना सुरुवात झाली या कारवाई काळात अवैध गुटखा तस्करांसह पानपट्ट्यांवरील किरकोळ गुटखा पुड्या विक्रेत्यांची अक्षरशः तारांबळ उडाली अनेकांनी तर आपला गाशा गुंडाळल्याचे देखील पहावयास मिळाले महाराष्ट्र पोलीस दलाकडून पोलिसी खाक्या दाखवताच अनेकांच्या चड्ड्या देखील पिवळ्या झाल्या पोलीस प्रशासनाने आपल्या कर्तव्याचे काटेकोरपणे पालन केल्यास काय बदल घडू शकतो हे सर्वसामान्य जनतेने प्रत्यक्ष अनुभवले परंतु गणपती विसर्जना नंतर पोलीस दलाने जराशी पाठ काय फिरवली गुटखा शौकीनांसह किरकोळ/ठोक गुटखा पुड्या विक्रेत्यांनी पुन्हा एकदा जल्लोषात आपआपल्या पध्दतीने धुमशान माजवण्यास सुरुवात केल्याचे निदर्शनास येत असून परभणी जिल्ह्यातील अवैध गुटख्याचे सासर/माहेर समजल्या जाणाऱ्या पुर्णा शहरासह तालुक्यात सर्वत्र 'गुटखा गिळ्यांच्या जिबीला चटका....मुखात गुटखा अन् कर्तव्यशुन्य अन्न व औषध प्रशासनाचा कारभार थोटका...अवैध गुटखा कंपन्यासह तस्कर माफीयाशाहीची कायद्यातून सुटका अन् किरकोळ गुटखा पुड्या विक्रेत्यांना जोरदार झटका' अशी एकंदर परिस्थिती निर्माण झाल्याचे सर्वत्र पाहावयास मिळत आहे. 

परभणी जिल्ह्यातील पुर्णा शहरात मागील ०८ सप्टेंबर २०२४ रोजी परभणी जिल्हा पोलिस दलाच्या स्थानिक गुन्हें शाखेचे 'रिअल सिंघम' वरिष्ठ पोलीस निरीक्षक अशोकराव घोरबांड यांच्या नेतृत्वाखालील पोलीस पथकाने पुर्णेतील एका मोठ्या कारवाईत लाखों रुपयांचा अवैध गुटखा जप्त केला होता त्यानंतर मात्र पुर्णा शहरासह तालुक्यातील किरकोळ व ठोक अवैध गुटखा विक्री करणारे तसेच पानपट्टी मालकांमध्ये प्रचंड दहशत निर्माण झाली होती परंतु गणपती विसर्जना नंतर पोलिसी कारवाई काही प्रमाणात थंडावल्याने अवैध गुटखा विक्रेत्यासह पानपट्टी मालकांतील दहशत कमी होऊन शहरासह तालुक्यात पुन्हा एकदा जागोजागी अवैध गुटखा विक्री सुरू झाल्याचे निदर्शनास येत आहे शहरासह तालुक्यात अवैध गुटखा/मोबाईल टू मोबाईल मटका,अवैध देशी विदेशी दारू विक्री तसेच अन्य नशिल्या पदार्थांची विक्रीसह इतर अवैध धंदे मोठ्या प्रमाणात वाढत असल्याने या अवैध धंद्यांना प्रतिबंध करण्यासाठी परभणी जिल्ह्याचे कर्तव्यदक्ष पोलिस अधिक्षक रविंद्रसिह परदेशी,अप्पर पोलीस अधिक्षक यशवंत काळे यांच्या प्रमुख मार्गदर्शनाखाली परभणी जिल्हा स्थानिक गुन्हें अन्वेषण विभागाचे वरिष्ठ पोलीस निरीक्षक अशोकराव घोरबांड व पुर्णा पोलिस स्थानकाचे पोलीस निरीक्षक विलास गोबाळे यांच्या वतीने येथील एका अवैध गुटखा व्यवसायिकावर अचानक धाड टाकून लाखो रुपयांचा अवैध गुटख्याचा साठा जप्त करण्याची मोठी कारवाई केल्यानंतर शहरातील विविध भागातील गुटखा विक्री करणाऱ्या पानपट्ट्यांवर याचा जबर परिणाम होऊन गणेशोत्सवाच्या अगोदर पासून अवैध गुटखा पुड्या,तंबाखू/सुपारी मिश्रीत खर्रा गुटखा इतर तंबाखूजन्य पदार्थ तसेच सुगंधी पान मसाले,सुपारीसह विविध नशील्या पदार्थांची विक्री शहरात पुर्णपणे बंद करण्यात झाली होती त्यामुळे गुटख्याचे व्यसनं जडलेल्या गुटखा शौकीनांना गुटखा पुड्यांसाठी बिळात दडून बसलेल्या अवैध गुटखा विक्रेत्यांच्या शोधात दिवसरात्र दरबदर भटकावे लागत होते त्यामुळे अवैध गुटखा व्यवसायिकांवर पोलिस प्रशासनाची चांगलीच दहशत निर्माण झाली होती माञ गणपती विसर्जनानंतर मागील दोन दिवसांपासून पुन्हा एकदा अवैध गुटखा विक्रेत्यांसह इतर अवैध धंदे चालकांनी देखील बिळातून डोके वर काढीत आपल्या काळ्याकारभाला सुरुवात केल्याने गुटखा व तंबाखूजन्य पदार्थ सेवणाची लत लागलेल्या लतखोरांना गुटखा पुड्यांसह तंबाखूजन्य पदार्थ अगदी सहज उपलब्ध होऊ लागल्याने शाळा महाविद्यालयातील विद्यार्थी विद्यार्थ्यांनी तसेच नवयुवक अबालवृद्ध लहान लहान मुलं तेच माल चोरून  लपवून विक्री होत असतांना जनतेस दिसत आहे व्यसनाधीनतेच्या मार्गावर जातांना दिसून येत आहेत. 

एकंदर पुर्णा शहरासह तालुक्यात सर्वत्र पुर्णा पोलिसांची अवैध धंद्यावर अल्पकालावधीत अल्पकालाधीसाठी निर्माण झालेली जबरदस्त वचक हळुवारपणे कमी होत आहे की काय ? असा प्रश्न जनसामान्यांतून उपस्थित केला जात आहे......