🌟परभणी जिल्ह्यात प्रशासनाकडून ऐन सणासुदीच्या काळात केवळ आनंदाचा भ्रम ? आनंदाचा शिधावाटपात पुन्हा सावळा गोंधळ....!

🌟जिल्ह्यात गौरी-गणपती सणानिमित्त वाटपासाठी स्वस्त धान्य दुकानदारांना केवळ ८४ टक्के किट पुरवठा उर्वरित साड्याचे काय ?🌟 

परभणी : परभणी जिल्ह्यातील शासकीय स्वस्त धान्य वाटपातील सावळा गोंधळ संपता संपत नसून सर्वसामान्य गोरगरीब शिधा पत्रिका धारकांमध्ये आनंदाचा भ्रम निर्माण करुन त्यांच्या आनंदावर विरजण पाडण्याचा प्रकार मागील एप्रिल २०२४ पासून होत असून एप्रिल महिन्यात गुडी पाडवा/रमजान ईद/डॉ बाबासाहेब आंबेडकर जयंतीच्या पार्श्वभूमीवर शासनाने शिधापत्रिका धारकांना 'आनंदाचा शिधा' व अंत्योदय शिधापत्रिका धारकांना आनंदाच्या शिधासह साडी वाटपाची देखील घोषणा केली अनेक शासकीय स्वस्त धान्य दुकानदारांना साड्यांचा पुरवठा देखील करण्यात आला परंतु नंतर मात्र लोकसभा आचार संहितेच्या नावावर आनंदाचा शिधासह साड्या देखील अदृश्य झाल्याने सर्वसामान्य गोरगरीब शिधापत्रिका धारकांच्या आनंदावर अक्षरशः विरजण पडले असाच काहीसा गंभीर प्रकार पुन्हा एकदा श्री गौरी-गणपती महोत्सव/ईद-ए-मिलाद या स्तनांच्या पार्श्वभूमीवर शासनाने 'आनंदाचा शिधा' वाटपाची घोषणा केली असली तरी हा आनंदाचा शिधा गोरगरीब सर्वसामान्य शिधापत्रिका धारकांच्या पदरात पडेल याची शाश्वती देता येत नसून दस्तुरखुद्द पुरवठा विभागानेच स्वस्त धान्य दुकानदारांना ८४ टक्के 'आनंदाचा शिधा' पुरवठा केल्याने उर्वरित १६ टक्के शिधापत्रिका धारकांचे काय ? असा गंभीर प्रश्न निर्माण झाल्याने जिल्ह्यातील स्वस्त धान्य दुकानदारांनी जिल्हा पुरवठा अधिकारी यांची भेट घेऊन तपशीलवार निवेदन सादर केले.

          स्वस्त धान्य दुकानदारांनी जिल्हा पुरवठा अधिकाऱ्यांना दिलेल्या निवेदनावरुन असे स्पष्ट होते की परभणी जिल्ह्यामध्ये गौरी-गणपती/ईद-ए-मिलाद सणानिमित्त पुरवठा विभागाकडून आनंदाचा शिधा ८४ टक्केच देण्यात आल्याने याही वेळी अनेकांना आनंदाच्या शिध्यापासून वंचित राहावे लागणार आहे. त्यामुळे आनंदाच्या शिधा वाटपात याहीवेळी मोठ्या प्रमाणात सावळा गोंधळ माजणार असून याचा त्रास प्रथमतः शासकीय स्वस्त धान्य दुकानदारांना होणार आहे. त्यामुळे शंभर टक्के आनंदाचा शिधा वितरित करावा या मागणीसह दुकानदारांचे कमीशन पाचशे रुपये प्रति क्विंटल देण्यात यावे किंवा ५० हजार रुपये प्रतिमहा मानधन द्यावे व वांधवा कमिटीच्या शिफारशी लागू कराव्यात, केवायसी करतेवेळी दुकानदारांना प्रतिकार्ड शंभर रुपये मानधन द्यावे, रास्तभाव दुकानदारांना मह ई-सेवा केंद्र तात्काळ मंजूर करावे यासह अन्य मागण्या शासकीय स्वस्त धान्य दुकानदारांच्या शिष्टमंडळाने केल्या असून शासकीय स्वस्त धान्य वितरण प्रणालीतील सावळा गोंधळ काही केल्या थांबता थांबत नसल्याचे पाहावयास मिळत आहे.....