🌟परभणीतील निवडणूक निर्णय अधिकार्‍यांकडे आचारसंहितेच्या भंगाबद्दल एक तक्रार दाखल....!

🌟त्या तक्रारीचे लगेचच निराकरणही करण्यात आले🌟

परभणी (दि.२४ आक्टोंबर २०२४) : महाराष्ट्र विधानसभा निवडणूकीच्या पार्श्‍वभूमीवर लागू केलेल्या आदर्श आचारसंहितेचे उल्लंघन केल्याबद्दल परभणीतील निवडणूक निर्णय अधिकार्‍यांकडे एक तक्रार दाखल झाली त्या तक्रारीचे लगेचच निराकरणही करण्यात आले.

              विधानसभेची निवडणूक जाहीर झाली असून, आदर्श आचारसंहितेचे काटेकोर पालन व्हावे, या उद्देशाने निवडणूक आयोगाने विविध उपाययोजना केल्या आहेत. सर्वसामान्य नागरिकांना देखील आचारसंहितेच्या अनुषंगाने काही तक्रारी असतील तर त्या करता याव्यात, या उद्देशाने सुविधा उपलब्ध करून दिल्या आहेत. त्यामध्ये सर्वसामान्य नागरिकांसाठी सीव्हिजिल हे अ‍ॅप कार्यान्वित केले आहे. या अ‍ॅपवर नागरिकांना तक्रारी दाखल करता येतील. तक्रार करताना अ‍ॅपवर आचारसंहिता भंग होत असल्याचा फोटोही अपलोड करावायाचा आहे, असे निवडणूक विभागाने स्पष्ट केले.

               दरम्यान, सी-व्हिजिल अ‍ॅपवर प्राप्त झालेल्या तक्रारींचे १०० मिनिटात निराकारण करणे बंधनकारक आहे. परभणी विधानसभा मतदारसंघात या पार्श्‍वभूमीवर एक तक्रार प्राप्त झाली. त्या तक्रारींचे आयोगाच्या अधिकार्‍यांनी तात्काळ निराकारण केले. होर्डिंग्ज, बॅनरच्या अनुषंगाने  सदरील तक्रार होती, अशी माहिती सीव्हीजील कक्षाचे नोडल अधिकारी इंजि राकेश गर्जे यांनी दिली.....