🌟मुख्यमंत्री एकनाथ शिंदे यांच्या नेतृत्वाखालील शिवसेना (बाळासाहेब ठाकरे) पक्षाने केली ४५ उमेदवारांची यादी घोषित...!

🌟कोपरी पाचपाखाडी मतदारसंघातून राज्याचे मुख्यमंत्री एकनाथ शिंदे महायुतीचे उमेदवार🌟

महाराष्ट्र विधानसभेच्या सार्वत्रिक निवडणुकीसाठी भारतीय जनता पक्षाच्या पाठोपाठ आता महायुतीतील अत्यंत महत्त्वाचा पक्ष असलेल्या मुख्यमंत्री एकनाथ शिंदे यांच्या नेतृत्वाखालील शिवसेनेने आपल्या पक्षाच्या पहिल्या ४५ उमेदवारांची यादी जाहीर केली असून कोपरी पाचपाखाडी मतदारसंघातून राज्याचे मुख्यमंत्री एकनाथ शिंदे महायुतीचे उमेदवार असून दर्यापूर विधानसभा मतदार संघातून अभिजीत आनंदराव अडसूळ यांना उमेदवारी देण्यात आली आहे.

मुंबईतील माहिम विधानसभा मतदारसंघातून विद्यमान आमदार सदा सरवणकर यांना पक्षाकडून उमेदवारी देण्यात आली आहे तर महाराष्ट्र नवनिर्माण सेनेने काही वेळापूर्वीच त्यांच्या उमेदवारांची घोषणा केली ज्यात राज ठाकरेंचे पूत्र अमित ठाकरे यांना माहिममधून तिकीट देण्यात आलं आहे, त्यामुळे शिवसेनेने माहिममधून अमित ठाकरेंच्या विरोधात सदा सरवणकर यांना मैदानात उतरवलं आहे.

महायुतीतील भारतीय जनता पक्षाप्रमाणेच मुख्यमंत्री एकनाथ शिंदें यांच्या नेतृत्वाखालील शिवसेनेनेही बहुतेक आपल्या सर्व विद्यमान आमदारांना पुन्हा एकदा पक्षाकडून उमेदवाऱ्या बहाल केल्या असून  राजापूर विधानसभा मतदारसंघातून उदय सामंत यांचे बंधू किरण सामंत यांना उमेदवारी बहाल करण्यात आली आहे तर मंत्री उदय सामंत हे रत्नागिरीमधून निवडणूक लढणार आहेत.

एकनाथ शिंदे यांच्या नेतृत्वाखालील शिवसेनेने वरील प्रमाणे आपल्या पक्षाचे उमेदवार जाहीर केले आहेत....