🌟 पुर्णेतील केमिस्ट अँड ड्रगीष्ट असोसिएशनचे औषधं विक्रेत्यांना तुघलकी फर्मान ? : खबरदार रुग्णांना बिलात सुट द्यालतर....!

🌟म्हणे औषधी ग्राहक रुग्णांना औषधी बिलात सुट दिल्यास औषधी विक्रेत्यास आकारला जाणार ५ हजार रुपये दंड🌟

परभणी/पुर्णा (विशेष वृत्त) :- चिन मधून सुरुवात झालेल्या कोरोना महामारी पहाता पहाता संपूर्ण जगात फैलण्यास सुरुवात झाली महाराष्ट्र राज्यात देखील कोरोना विषाणूंचा उद्रेक ९ मार्च २०२० रोजी सुरू झाला १३ मार्च २०२० रोजी महाराष्ट्र शासनाने कोरोना विषाणूचा उद्रेक पाहता महाराष्ट्रात महामारी रोग अधिनियम १८९७ लागू करण्याची घोषणा केली सर्वसामान्य जनता कोरोना महामारीला तोंड देत असतांनाच राज्यातील आरोग्य क्षेत्रात सर्वसामान्य रुग्णांसह रुग्णांच्या नातेवाइकांच्या आर्थिक/मानसिक/शारीरिक सोशनाला 'न भुतो न भविष्यती' सुरुवात झाल्यामुळे असंख्य सर्वसामान्य रुग्णांना योग्य उपचाराअभावी स्वतःचा जीव गमवावा लागल्यामुळे केंद्र सरकारने सर्वसामान्य जनतेला मुबलक दरात औषधी उपलब्ध व्हावी याकरिता प्रधानमंत्री भारतीय जनऔषधी योजना अंमलात आणली या योजने अंतर्गत प्रत्येक जिल्ह्यातील तालुक्यातील शहर/गाव पातळीवर प्रधानमंत्री भारतीय जनऔषधी केंद्रांना सुरुवात करण्यात आली.

प्रधानमंत्री भारतीय जनऔषधी योजने अंतर्गत सुरु झालेल्या औषधी केद्रांनंतर तरी सर्वसामान्य रुग्ण व नातेवाईकांची होणारी आर्थिक/मानसिक/शारीरिक पिळवणूक थांबेल अशी अपेक्षा व्यक्त केली जात होती परंतु सर्वसामान्य जनतेचे दुर्दैवच म्हणावे लागेल की आरोग्य क्षेत्रातील प्रस्थापितांनी 'आमचा डॉक्टर आमचे मेडिकल अन् आमचीच औषधी' या बेबंदशाहीचा अवलंब करीत जास्तच प्रमाणात सर्वसामान्य जनतेच्या सोशनाला सुरुवात केल्याचे निदर्शनास येत असून अश्याच एका सर्वसामान्य रुग्णांच्या हक्कावर गधा आणणाऱ्या केमिस्ट अँड ड्रगीष्ट असोसिएशनने काढलेल्या तुघलकी फर्मानाची जोरदार चर्चा सद्या पुर्णा शहरासह संपूर्ण तालुक्यातील सर्वसामान्य जनतेसह रुग्णांमध्ये होतांना ऐकावयास मिळत असून पुर्णा शहरासह तालुक्यातील काही माणुसकीची भावना जोपासणारे औषधं विक्रेते रुग्णांसह त्यांच्या नातेवाईकांची आर्थिक परिस्थिती पाहून त्यांना आपआपल्या परिने थोडीफार बिलात सुट देत असल्याने बाब शहरातील काही प्रस्थापित औषध विक्रेत्यांच्या निदर्शनास आल्यानंतर या प्रस्थापित रुग्ण सोशकांमध्ये अक्षरशः खळबळ माजल्याने त्यांनी पुर्णा शहरासह तालुक्यातील औषध विक्रेत्यांची संघटना असलेल्या पुर्णा केमिस्ट अँड ड्रगीष्ट असोसिएशनचे सन्माननीय अध्यक्ष महोदयांच्या ही बाब सर्वसामान्य गोरगरीब रुग्णांच्या हिताची जरी असली तरी आरोग्य क्षेत्रातील 'आमचा डॉक्टर आमचे मेडिकल अन् आमचीच औषधी' या तत्वांचा अवलंब करणाऱ्या रुग्णद्रोही प्रस्थापितांसाठी घातक असल्याने हा प्रकार कुठेतरी थांबला पाहिजे या उद्देशाने चक्क शहरासह तालुक्यातील सर्वच औषधं विक्रेत्यांना तुघलकी फर्मान काढून खबरदार रुग्णांना बिलात दहा टक्के सुट द्याल आणि असोसिएशनच्या नियमांचे उल्लंघन कराल तर पाच हजार रुपये दंड आकारला जाईल असा सज्जड दम भरणारा संदेश केमिस्ट अँड ड्रगीष्ट असोसिएशनच्या वाट्सॲप ग्रुपसह विविध सोशल साईट्सवर झळकू लागल्यामुळे सर्वसामान्य रुग्णहीतचिंतक औषधी विक्रेत्यांमध्ये खळबळ माजली असून सर्वसामान्य रुग्णासह रुग्णांच्या नातेवाईकांमध्ये अक्षरशः चिंतेचे वातावरण निर्माण झाले आहे दरम्यान आरोग्य क्षेत्रातील प्रस्थापितांच्या बेबंदशाही मुळे सर्वसामान्य गोरगरीब रुग्णांची हेळसांडीला पुन्हा एकदा सुरूवात झाल्याचे सर्वत्र पाहावयास मिळत आहे.....