🌟नायलॉन मांजा ठरतोय जीवघेणा : मंगरुळपीर येथे एकाच दिवशी आठ जणांचे नाॅयलाॅन मांजाने कापले गळे......!

🌟घटनेतील सर्व जखमींना उपचारासाठी अकोला आणि वाशिमला हलवण्यात आले🌟

 फुलचंद भगत

वाशिम :- वाशिम जिल्ह्यातील मंगरुळपीर शहरात आज दि.११ आक्टोबर २०२४ रोजी नायलॉन मांजाने गळा कापण्याच्या तब्बल सात घटना घडल्या आहेत. बंदी असतानाही नायलॉन मांजाची छुप्या पद्धतीने विक्री सुरूच आहे त्यामुळे हा नाॅयलाॅन मांजा जिवघेणा ठरत असल्याने लोकांच्या जीवावर बेतत आहे.पोलिस प्रशासनाने त्वरीत गंभीरतेने दखल घेवुन दोषींबर कारवाई करुन बंदी असलेल्या नाॅयलाॅन मांजा विक्रेत्यावर त्वरीत कारवाई करावी ही मागणी होत आहे.

            पतंग उडवण्याची मोठी परंपरा आहे. मात्र पतंगासोबत लागणारा नायलॉन मांजा हा पक्षी, प्राणी आणि नागरिकांसाठी त्रासदायक आणी जिवघेणा ठरतो. नायलॉन मांजामुळे जखमी होण्याच्या घटनांमध्ये दिवसेंदिवस वाढ होत आहे.मंगरुळपीर येथे दि.११ आॅक्टोबर रोजी नायलॉन मांजाने गळा कापण्याच्या एकाच दिवसात सात घटना घडल्या आहेत.नायलॉन मांजावर व ज्या मांजावर काचेचे धारदार व टोकदार कोटिंग केलेले आहे, अशा मांजाची निर्मिती, विक्री खरेदी व वापर आदींवर प्रतिबंध घालण्याचे आदेश प्रशासनाने दिले आहेत.वाशिम जिल्ह्यात नायलॉन मांजा विकणाऱ्यांवर पोलिसांनी कारवाईचा बडगा उगारणे आता गरजेचे बणले आहे. नायलॉन मांजाची विक्री करणाऱ्यांना ताब्यात घेवुन कठोर कारवाई आवश्यक आहे.एकीकडे नाॅयलाॅन मांजा विक्रीवर बंदी असली तरीही छुप्या पद्धतीने काही जण नायलॉन मांजाची विक्री करत आहेत. यामुळे एकाच दिवशी मंगरुळपीर येथे सातपेक्षा जास्त जणांचे गळा कापले गेले आहेत.सर्वांना मंगरुळपीर येथील ग्रामिण रूग्नालयात प्राथमिक ऊपचार करुन अकोला तर काहिंना वाशिम येथे तातडीने रेफर करण्यात आले आहे.पोलिसांनी तात्काळ नाॅयलाॅन मांजा विक्री आणी तशा प्रकारचे पतंग ऊडवणारावही कठोर कारवाईची मागणी होत आहे.

* प्रतिबंधीत नाॅयलाॅन मांजा विक्रेत्यावर छापेमारी करुन कारवाई करण्याची मागणी :-

प्रतिबंधित असलेला नाॅयलाॅन मांजाची विक्री करणारावर योग्य कठोर कारवाई करावी अशी मागणी मंगरुळपीर येथील बालदेव येथील शाहाकार व गावकर्‍यांनी लेखी निवेदनाव्दारे केली आहे.एकाच दिवशी तब्बल आठ जणांचे गळे प्रतिबंधीत नाॅयलाॅन मांजामुळे कापल्यामुळे ठाणेदाराने या गंभीर बाबीची दखल घेवुन अशा मांजा विक्रेत्यावर कठोर कारवाईचे पावले उचलले असुन एक टिम तयार केली आहे.नगर परिषदेनेही या प्रतिबंधीत नाॅयलाॅन मांजाविषयी कायदेशीर कारवाई करुन ठोस ऊपाययोजना राबवावी अशी मागणी होत आहे.

* मंगरुळपीर येथे नाॅयलाॅन मांजाने जखमींची नावे :-

गुणवंत भगत,वनोजा वय-४५

श्याम गावंडे,वय-३० 

विनोद तलपडे,निंबी वय-४०

हरिष तलपडे,निंबी वय-१५

श्याम गावंडे,मंगलधाम वय-३०

आणि इतर-०३

प्रतिनीधी :- फुलचंद भगत

मंगरुळपीर/वाशिम

मो.8459273206