🌟परभणी जिल्हा निवडणूक विभाग आणि विश्‍वमांगल्य यांच्या संयुक्त विद्यमाने महिलांमध्ये मतदानाविषयी जनजागृती....!

🌟या कार्यक्रमात सुमारे 350 महिला मतदारांनी उत्स्फुर्त सहभाग नोंदविला🌟

परभणी (दि.25 आक्टोंबर 2024) : परभणी जिल्हा निवडणूक विभाग आणि विश्‍वमांगल्य यांच्या संयुक्त विद्यमाने महिलांमध्ये मतदानाविषयी जनजागृती करण्यासाठी परभणीतील महिला मतदार वैशाली पोटेकर यांच्या संकल्पनेतून महिलांसाठी काल गुरुवार दि.24 आक्टोंबर 2024 रोजी रामकृष्ण नगर येथे गेम शोचा कार्यक्रम आयोजित करण्यात आला होता. परभणी जिल्हा मतदान जनजागृती कक्षातर्फे सादर करण्यात आलेल्या या कार्यक्रमात सुमारे 350 महिला मतदारांनी उत्स्फुर्त सहभाग नोंदविला. 

याप्रसंगी जिल्हा निवडणूक विभागाचे उपजिल्हाधिकारी जनार्धन विधाते आणि  जिल्हा मतदान जनजागृती कक्षाचे नोडल अधिकारी  गणेश शिंदे  यांनी उपस्थित महिलांना मार्गदर्शन केले. मतदान जनजागृती कक्षाच्या स्वीप टीमच्या सदस्यांनी मतदान जनजागृतीसाठी संगीत आणि नाट्य आधारीत प्रभावी सादरीकरण केले निवेदक आणि स्वीप टीमचे सदस्य प्रवीण वायकोस यांच्या खुमासदार सुत्रसंचलनातून सुमारे दोन तास उपस्थित महीलांना मनोरंजनासोबत मतदानाबाबत जागरुकता या कार्यक्रमाद्वारे करण्यात आली.   स्वीप टीमचे  गणराज येरमळ,  प्रवीण वायकोस, अरविंद शहाणे, प्रफुल्ल शहाणे, मोहन आल्हाट, त्र्यंबक वडसकर, रामप्रसाद अवचार, वैभव पुजारी, लोणारकर,  भगवान काळे,  अतूल सामाले, ज्ञानेश्‍वर पाथरकर, बबन आव्हाड, संजय पेडगावकर,  लक्ष्मण गारकर, महेश देशमुख, शिवाजी कांबळे, चव्हाण, हनुमंत हंबीर आणि  सुधाकर गायकवाड यांनी मतदान जनजागृतीचा सांस्कृतीक कार्यक्रम सादर केला.

                कार्यक्रमात स्वीप कक्षाच्यावतीने विविध बॅनर्स आणि सेल्फी पॉइंट लावण्यात आले होते. स्वीप टीमच्या कलाकारांनी संगीत आणि नाट्य प्रकाराद्वारे उपस्थितांना मतदान करण्याचे आवाहन केले. गेम शोच्या माध्यमातून पैठणी कार्यक्रमाच्या धर्तीवर प्रश्नावली आणि खेळ याद्वारे हसत खेळत आणि बक्षीसांची लयलूट करत मतदान जनजागृतीचा संदेश देण्यात आला. संगीता क्षीरसागर यांच्यातर्फे गेमशोमधील विजेत्यांना बक्षीसे देण्यात आली.  महिलांचा मतदानाबाबतचा उत्साह वाढविण्याच्या उद्देशाने या कार्यक्रमाची आखणी केली असल्याची माहिती वैशाली पोटेकर यांनी दिली.जमलेल्या सर्वच महिलांनी मतदान करण्याचा यावेळी संकल्प केला......