🌟परळीत विधानसभा निवडणूक निकालापुर्वीच झळकले धनंजय मुंडे यांच्या अभिनंदनाचे बॅनर....!

🌟या बॅनरवर आमदार म्हणून विजयी झाल्याबद्दल त्यांनी धनंजय मुंडे यांचे अभिनंदनही केलं आहे🌟

परळी :- परळी विधानसभा निवडणुकीसाठी मतदानाची प्रक्रिया दि.२० नोव्हेंबर २०२४ रोजी पार पडली आता उद्या शनिवार दि.२३ नोव्हेंबर रोजी निवडणुकीचा निकाल लागणार आहे या निकालाकडे राज्यासह सर्वांचे लक्ष लागले आहे यातच निकाल लागण्याच्या आधीच बीड जिल्ह्यातील परळी वैजनाथ तालुक्यात अजित पवार गटाच्या राष्ट्रवादी काँग्रेस पक्षाच्या कार्यकर्त्यांनी राज्याचे कृषीमंत्री तथा महायुतीचे उमेदवार धनंजय मुंडे यांच्या अभिनंदनाचे बॅनर लावण्याचे निदर्शनास आले असून या बॅनरवर आमची परळी, आमची आण-बाण-शान,आमचा आमदार 'धनंजय मुंडे विजयी झाल्याबद्दल त्यांचे अभिनंदन' असे मजकुर लिहिण्यात आले आहे. या बॅनरबाजीची सध्या परळी वैजनाथ सह राज्यात जोरदार चर्चा सुरू आहे.

     परळी विधानसभा निवडणुक नुकतीच पार पडली आहे. त्यानंतर २३ नोव्हेंबर रोजी निवडणुकीचा निकाल लागणार आहे. मात्र, त्यापूर्वीच अति उत्साही कार्यकर्त्यांनी आपल्या नेत्यांचं अभिनंदन करणं सुरू केलं आहे. परळी वैजनाथ तालुक्यातील हनुमान चौक भागामध्ये  निकाला आधीच लागले धनंजय मुंडे यांच्या विजयाचे बॅनर लागले आहेत. बालाजी फड व सुरेश नाना फड यांनी हे बॅनर लावले आहेत. त्यामुळे चर्चांना उधाण आलं आहे. विशेष म्हणजे परळी वैजनाथ येथील निवडणूक अत्यंत चुरशीची झाली होती. या बॅनरवर आमदार म्हणून विजयी झाल्याबद्दल त्यांनी धनंजय मुंडे यांचे अभिनंदनही केलं आहे.......