🌟परभणी जिल्ह्यातील चार विधानसभा निवडणुकीतील ५८ उमेदवारांचे भवितव्य आज होणार ईव्हीएममध्ये बंद.....!

🌟जिल्ह्यातील चार विधानसभा मतदारसंघात उभे असलेल्या ५८ उमेदवारांत चार विद्यमान आमदारांचाही समावेश🌟 

परभणी :  महाराष्ट्र विधानसभा सार्वत्रिक निवडणुकीसाठी आज बुधवार दि.२० नोव्हेंबर रोजी सकाळी ०७.०० वाजेपासूनच निवडणूक आयोगाच्या निर्देशानुसार मतदानाला सुरुवात झाली असून परभणी जिल्ह्यातील परभणी/जिंतूर/पाथर्डी/गंगाखेड या चार विधानसभा मतदारसंघातल्या निवडणूक मैदानात उतरलेल्या राज्यातील सत्ताधारी महायुतीसह राज्यातील विरोधी पक्षाच्या महाविकास आघाडी या दोन तूल्यबळ प्रतिस्पर्धी आघाड्यांच्या उमेदवारांसह राजकीय पक्ष तसेच अपक्ष एकंदर ५८ उमेदवारांचे भवितव्य आज बुधवारी सायंकाळी ०६.०० वाजता ईव्हीएम मशीनमध्ये तब्बल तीन दिवस म्हणजेच दि.२३ नोव्हेंबर २०२४ पर्यंत बंद होणार आहे.

              परभणी जिल्ह्यातील परभणी,जिंतूर,पाथरी,गंगाखेड या चार विधानसभा मतदारसंघात ०४ नोव्हेंबर २०२४ रोजी उमेदवारी अर्ज माघारीच्या अंतीम मुदतीत ९३ उमेदवारांनी उमेदवारी अर्ज मागे घेतले होते. त्यामुळे आता चारही विधानसभा मतदारसंघाच्या निवडणूक मैदानात ५८ उमेदवार आमदारकीची स्वप्न रंगवत तटस्थ उभे आहेत जिल्ह्यातील परभणी विधानसभा मतदार संघातून २२ उमेदवारांनी आपले उमेदवारी अर्ज मागे घेतले,जिंतूर विधानसभा मतदारसंघातून २४ उमेदवारांनी आपले उमेदवारी अर्ज मागे घेतले,पाथरी विधानसभा मतदार संघातून ३३ उमेदवारांनी आपले उमेदवारी अर्ज मागे घेतले तर गंगाखेड विधानसभा मतदार संघातून १३ उमेदवारांनी आपले उमेदवारी अर्ज मागे घेतल्यामुळे आता परभणी विधानसभा मतदारसंघात १५,जिंतूर विधानसभा मतदारसंघात १७,पाथरी विधानसभा मतदारसंघात १४,गंगाखेड विधानसभा मतदारसंघात १२ असे जिल्ह्यातील एकंदर चार विधानसभा मतदारसंघात ५८ उमेदवार निवडणूक मैदानात शिल्लक राहिले आहेत.

🔴परभणी विधानसभा मतदारसंघातील १५ उमेदवारांच्या भवितव्यावर होणार आज शिक्कामोर्तब :-

            परभणी विधानसभा मतदारसंघातील २१ उमेदवारांनी आपले उमेदवारी अर्ज माघे घेतल्यानंतर परभणी विधानसभा निवडणूकीच्या मैदानात एकूण १५ उमेदवार तटस्थ उभे असून  त्यात महाविकास आघाडीचे उमेदवार तथा विद्यमान आमदार डॉ. राहुल पाटील व महायुतीचे उमेदवार आनंद भरोसे या दोन तूल्यबळ उमेदवारांसह महाराष्ट्र नवनिर्माण सेनेचे श्रीनिवास लाहोटी, एमआयएमचे अ‍ॅड.इम्तियाज खान,राष्ट्रीय समाज पक्षाच्या सावित्री महामुनी चकोर यांच्यासह अ‍ॅड.अफजल बेग,गोविंद देशमुख, छत्रगुण आवचार,दिपक शिंदे,नासेर शरीफ शेख,अहमद पाशा कुरेशी,फारुख खान रऊफ खान,मोहम्मद गौस झैन व सूर्यकांत रोहिदास मोगल असे एकूण १५ उमेदवारांचे भवितव्य आज ईव्महीएम मशीनमध्ये बंदीस्त होणार आहे.

🔴जिल्ह्यातील जिंतूर विधानसभा मतदारसंघातील १७ उमेदवारांचे भविष्य आज जागरूक मतदार ठरणार :-

       परभणी जिल्ह्यातील जिंतूर विधानसभा मतदारसंघातून महायुतीच्या विद्यमान आमदार सौ.मेघनाताई साकोरे-बोर्डीकर, महाविकास आघाडीचे उमेदवार तथा माजी आमदार विजय भांबळे, तसेच काँग्रेसचे बंडखोर तथा वंचित बहुजन आघाडीचे अधिकृत उमेदवार सुरेश कुंडलिकराव नागरे या तीन तूल्यबळ प्रतिस्पर्ध्यांसह बसपाचे अनिल चव्हाण, रासपचे डॉ.प्रभाकर बुधवंत,रमेश राठोड, शेख सलीम शेख इब्राहीम, सुभाष वावळे, अच्युत कदम, अतूल आंबोरे, अमोल डंबाळे, राजू पंचांगे, विजय ठोंबरे, विनोद भवाळे, सय्यद रियाज गफूर सय्यद, सुखदेव भांबळे, ज्ञानदेव दाभाडे या पक्ष आणि अपक्षांचे भवितव्य उद्या ईव्हीएम मशीनमध्ये बंद होणार आहे

🔴 जिल्ह्यातील पाथरी विधानसभा मतदारसंघात विद्यमान विधानसभा सदस्य व विद्यमान विधान परिषद सदस्य मैदानात :- 

       जिल्ह्यातील  पाथरी विधानसभा मतदारसंघातून ३३ उमेदवारांनी आपले उमेदवारी अर्ज माघे घेतल्यानंतर पाथरी विधानसभा मतदारसंघातील निवडणूकीच्या मैदानात एकूण १४ उमेदवार तटस्थ उभे राहिले असून त्यात ज्येष्ठ कॉंग्रेस नेते माजी राज्यमंत्री तथा विद्यमान आमदार सुरेशराव वरपुडकर हे महाविकास आघाडीकडून तर विद्यमान विधान परिषदेचे आमदार राजेश विटेकर हे महायुतीकडून एकमेकांच्या विरोधात दंड थोपटून उभे आहेत. ज्येष्ठ नेते माजी आमदार बाबाजानी दुर्राणी यांनी देखील बंडखोरीचा निशाण फडकवत अपक्ष उमेदवार म्हणून आपला उमेदवारी अर्ज दाखल केला आहे तर राज्यातील सत्ताधारी महायुतीतील घटक पक्ष असलेल्या मुख्यमंत्री एकनाथ शिंदे यांच्या शिवसेना अल्पसंख्यांक आघाडीचे महाराष्ट्र प्रदेशाध्यक्ष सईद खान यांनीही शिवसेनेच्या गटास कायमची सोडचिठ्ठी देवून राष्ट्रीय समाज पक्षांकडून उमेदवारी मिळवत निवडणूक मैदानात उडी घेतली आहे तर या पाथर्डी विधानसभा मतदारसंघातील माजी अपक्ष आमदार मोहन फड यांचे वडील तथा ज्येष्ठ नेते माधवराव फड यांनीही उमेदवारी कायम राखली त्यामुळे पाथरी मतदारसंघात पंचरंगी लढत रंगली असून आज बुधवारी या तूल्यबळांसह गणेश जाधव,सुरेश फड,त्रिंबक पवार,अर्जून भिसे,किशोरकुमार शिंदे,चंद्रसिंग नाईक,राजेश पाटील, शिवाजी कांबळे, समाधान साळवे या पक्ष आणि अपक्षांचे भवितव्य ईव्हीएम मशीन मध्ये बंद होणार आहे.

🔴 जिल्ह्यातील गंगाखेड विधानसभा मतदारसंघातील तूल्यबळ प्रतिस्पर्ध्यांचे भवितव्य आज ईव्हीएम मशीनमध्ये होणार बंद:-

         जिल्ह्यातील 'सर्वसामान्य मतदार आणी धनदांडगे उमेदवार' अशी कायमची ओळख निर्माण झालेल्या गंगाखेड विधानसभा मतदारसंघात एकूण १३ उमेदवारांनी आपले उमेदवारी अर्ज मागे घेतल्याने आता गंगाखेड विधानसभा मतदारसंघाच्या निवडणूक मैदानात एकूण १२ उमेदवार शिल्लक राहिले आहेत त्यात सत्ताधारी महायुती पुरस्कृत राष्ट्रीय समाज पक्षाचे विद्यमान आमदार डॉ. रत्नाकर गुट्टे, शिवसेना उबाठा गटाचे तथा महाविकास आघाडीचे अधिकृत उमेदवार विशाल विजयकुमार कदम,वंचित बहुजन आघाडीचे उमेदवार माजी आमदार सिताराम घनदाट,महाराष्ट्र नवनिर्माण सेनेच उमेदवार रुपेश देशमुख यांच्यासह माधवराव शिंदे, विठ्ठलराव रबदडे,अलका साखरे, नामदेव गायकवाड, विष्णुदास भोसले, विठ्ठल निरस, विशाल बालाजीराव कदम, अ‍ॅड. संजू प्रधान हे अन्य पक्ष व अपक्ष यांचे देखील भवितव्य आज बुधवारी ईव्हीएम मशीनमध्ये बंद होणार आहे.....