🌟परभणी जिल्ह्यातील पाथरीत ईव्हीएम सिलिंगची जिल्हाधिकारी रघुनाथ गावडे यांनी यांनी केली पाहणी.....!

🌟प्रत्यक्ष ईव्हीएमवर मतदान प्रक्रिया राबविण्यासाठी सुरु केलेल्या तयारीची जिल्हाधिकारी गावडे यांनी केली पाहणी🌟

परभणी (दि.12 नोव्हेंबर 2024) : परभणी जिल्ह्यातील पाथरी विधानसभा मतदारसंघात सार्वत्रिक निवडणूकीच्या पार्श्‍वभूमीवर निवडणूक विभागाने प्रत्यक्ष ईव्हीएमवर मतदान प्रक्रिया राबविण्यासाठी सुरु केलेल्या तयारीची जिल्हाधिकारी रघुनाथ गावडे यांनी पाहणी केली.

              ईव्हीएम मशीनवर उमेदवारांच्या निवडणूक निशाणी संगणकाद्वारे स्कॅनिंग करणे व मशीनची सिलिंग करण्याची प्रक्रिया पाथरी येथील शासकीय औद्योगिक शिक्षण व प्रशिक्षण संस्था येथे सुरू आहे. मंगळवारी (दि.12) जिल्हा निवडणूक अधिकारी तथा जिल्हाधिकारी गावडे यांनी भेट देऊन बॅलेट पेपर, बॅलेट युनिट सिलिंग व व्हीव्हीपॅटवर  उमेदवारांच्या निवडणूक निशाणी स्कॅनिंगच्या कामाची पाहणी केली.

              बॅलेट युनिट, कंट्रोल युनिट सेलिंग चे काम महत्त्वपूर्ण असल्याने कर्मचार्‍यांनी व्यवस्थितरित्या काळजीपूर्वक काम करण्याच्या सूचना केल्या. यावेळी त्यांनी ईव्हीएम ठेवलेल्या स्ट्राँग रूम नंबर एक व दोनची व 5 टक्के ईव्हीएमवर प्रात्यक्षिक नोंदवलेल्या जाणार्‍या मतदान प्रक्रियाची भेट देऊन पाहणी केली. नंतर त्यांनी देवनांद्रा कारखाना परिसरातील जिल्हा परिषद प्राथमिक शाळेस भेट देऊन  मतदान कामावर नियुक्त मतदान अधिकारी, पोलीस कर्मचारी यांच्यासाठी विशेष टपाली मतपत्रिकेवर मतदान करण्यासाठी उभारण्यात आलेल्या  मतदान केंद्राचीही पाहणी केली. यावेळी त्यांच्यासोबत उपजिल्हा अधिकारी निवडणूक जनार्दन विभुते उपस्थित होते. मान्यवरांचे स्वागत  निवडणूक निर्णय अधिकारी तथा उपविभागीय अधिकारी   शैलेश लाहोटी यांनी केले. त्यांना सहाय्यक म्हणून मानवत येथील तहसीलदार पांडुरंग माचेवाड, पाथरी येथील तहसीलदार शंकर हांदेश्‍वार हे काम पाहत असून पाथरी नगर परिषदेचे मुख्याधिकारी तुकाराम कदम, नायब तहसीलदार वसंत महाजन यांच्यासह अन्य अधिकारी-कर्मचारी परिश्रम घेत आहेत.......