🌟राज्याच्या मुख्यमंत्री पदा संदर्भात भाजप पक्षश्रेष्ठींनी घेतलेला निर्णय मान्य - मुख्यमंत्री एकनाथ शिंदे

🌟असे स्पष्टीकरण राज्याचे काळजीवाहू मुख्यमंत्री एकनाथ शिंदे यांनी आज आयोजित पत्रकार परिषदेत दिले🌟

मुंबई (दि.२७ नोव्हेंबर २०२४) - राज्यातील मुख्यमंत्री पदासाठी आपली कुठल्याही प्रकारची अडचण नाही देशाचे पंतप्रधान नरेंद्र मोदी आणि गृहमंत्री अमित शहा जे ठरवतील ते शिवसेनेला मान्य राहिल असे स्पष्टीकरण राज्याचे काळजीवाहू मुख्यमंत्री एकनाथ शिंदे यांनी आज बुधवार दि.२७ नोव्हेंबर रोजी आयोजित पत्रकार परिषदेत दिले.

राज्यातील विधानसभा निवडणूक निकालात राज्यातील मतदार जनतेने महायुतीला स्पष्ट बहुमत दिले आहे या विधानसभा निवडणुकीत भारतीय जनता पार्टीच्या सर्वाधिक १३३ जागा निवडून आल्याने भाजप राज्यातील विधानसभा निवडणुकीत सर्वात मोठा पक्ष ठरला आहे. त्यापाठोपाठ मुख्यमंत्री एकनाथ शिंदे यांच्या शिवसेनेला ५७ जागा मिळाल्या आहेत. मुख्यमंत्री शिंदे यांच्या शिवसेनेतील नेत्यांनी भाजपने बिहार पॅटर्न राबवून एकनाथ शिंदे यांना मुख्यमंत्रीपदी कायम ठेवावे असा आग्रह धरला आहे. या निवडणुकीचे निकाल हाती येवून चार दिवस झाले. अजूनही भाजपकडून मुख्यमंत्रीपदाचा चेहरा जाहीर झाला नाही. मुख्यमंत्रीपदासाठी एकनाथ शिंदे आग्रही असल्यामुळेच मंत्रीमंडळाचा शपथविधी लांबला जात असल्याची चर्चा रंगत होती. त्यातच मंगळवारी सकाळपासून एकनाथ शिंदे यांनी मौनवृत धारण केल्याने राजकीय चर्चा रंगू लागल्या होत्या. आज दुपारी मुख्यमंत्री एकनाथ शिंदे यांनी ठाणे येथील त्यांच्या निवासस्थानी एक पत्रकार घेवून आपली भूमीका स्पष्ट केली. यावेळी बोलतांना ते म्हणाले की, मी कालच पंतप्रधान नरेंद्र मोदी आणि अमित शहा यांना फोन करुन कळविले आहे की, मुख्यमंत्रिपदाचा निर्णय घेताना मनात कोणताही किंतु बाळगू नका सत्ता स्थापन करण्यासाठी तुम्ही जो निर्णय घेताल तो मला म्हणजे एकनाथ शिंदे आणि शिवसेनेला मान्य राहिल. यासाठी शिवसेनेचं पूर्ण सहकार्य असेल. अशी भूमीका स्पष्ट केल्याचे त्यांनी सांगितले. यावेळी बोलतांना त्यांनी विधानसभा निवडणुकीत मिळालेले यश हे आमच्या सरकारनं घेतलेल्या ऐतिहासिक निर्णयांना जाते. कोणत्याही सरकारनं इतके निर्णय घेतले नाहीत. आम्ही सत्तेवर आल्यानंतर सहा महिन्यात राज्याला एक नंबरला आणलं. मविआच्या काळात महाराष्ट्र मागे गेला होता. आम्ही केलेल्या कामांमुळेच आमच्यावर मतांचा वर्षाव झाला. लाडक्या बहिणीचा लाडका भाऊ अशी माझी प्रतिमा तयार झाली. ती ओळख मला सगळ्या पदांपेक्षा जास्त मोठी वाटते,' असे शिंदे यांनी यावेळी सांगितले. त्यांच्या चेहऱ्यावर काहीशी नाराजी स्पष्टपणाने जाणवत होती. या पत्रकार परिषदेत शिवसेनेचे सर्व माजी मंत्री, प्रवक्ते, कार्यकर्ते मोठ्या संख्येने उपस्थित होते......