🌟बिड जिल्ह्यातील परळी विधानसभा मतदारसंघात राज्याचे कृषिमंत्री धनंजय मुंडे यांचा ऐतिहासिक विजय....!

🌟बिड मधून आ.संदिप क्षीरसागर केज मधून आ.नमिता मुंदडा,आष्टी मधून सुरेश धस,माजलगाव मधून आ.प्रकाश सोळंके विजयी🌟

बिड : महाराष्ट्र राज्यातील विधानसभा निवडणुकांचे जवळपास सर्वच निकाल आता समोर आले असून राज्यात पुन्हा एकदा सत्ताधारी भाजप-शिवसेना (शिंदे)-राष्ट्रवादी कॉंग्रेस महायुतीची सत्ता येणार असल्याचे निश्चित झाले आहे त्यातच महायुतीचा सर्वात चर्चेचा व राज्याचे कृषिमंत्री धनंजय मुंडे यांचा मतदारसंघ असलेल्या परळी विधानसभा मतदारसंघात राष्ट्रवादी काँग्रेस (अजित पवार) पक्षाचे अधिकृत उमेदवार धनंजय मुंडे यांचा ऐतिहासिक विजय झाला आहे. 

बिड जिल्ह्यातील सर्वात मोठा विजय राज्याचे कृषिमंत्री धनंजय मुंडेंचा झाला आहे धनंजय मुंडेंना ५० हजारांपेक्षा जास्त मताधिक्याने निवडून आले आहेत तर महाविकास आघाडीचे राजेसाहेब देशमुख यांचा दणदणीत पराभव झाला आहे.बिड विधानसभा मतदारसंघामधून पुन्हा एकदा आमदारकीची माळ संदीप क्षीरसागर यांच्याच गळ्यात पडली असून आ.संदीप क्षीरसागर यांनी बीडमध्ये महायुतीच्या लाटेला रोखत पुन्हा एकदा विजय मिळविला आहे याबद्दल त्यांचे सर्वस्तरातून अभिनंदन केले जात आहे.

केज विधानसभा मतदारसंघातून राष्ट्रवादी काँग्रेस शरदचंद्र पवार पक्षाचे पृथ्वीराज साठे यांचा दारुण पराभव झाला असून या मतदारसंघातून पुन्हा एकदा महायुतीच्या आ.नमिता मुंदडा यांनी दणदणीत विजय मिळवला आहे त्यांनी २८०९ मतांची आघाडी घेत साठेंचा पराभव केला आहे. याबद्दल नमिता मुंदडा यांचे सर्वस्तरातून अभिनंदन केले जात आहे तर आष्टी विधानसभा मतदार संघातून पुन्हा आ.सुरेश धसच आमदार होणार असून त्यांच्या विजयाचा रथ गतीने धावला यामध्ये सुरेश धस विजयी झाले असून त्यांनी बाळासाहेब आजबेंचा पराभव केला आहे. माजलगावमध्ये राष्ट्रवादी काँग्रेस पक्षाचे जेष्ठ नेते आ.प्रकाश सोळंके बाजी मारणार हे जवळपास निश्चित झाले आहे महायुतीचे उमेदवार विजयसिंह पंडित यांनी विरोधकांचा धोबीपचाड करत गेवराई विधानसभेत बाजी मारली असून ४२३३२ मतांची आघाडी घेत त्यांनी दणदणीत विजय मिळवला आहे याबद्दल त्यांच्यावर अभिंनदनाचा वर्षाव केला जात आहे.......