🌟महाराष्ट्राचे मुख्यमंत्री एकनाथ शिंदे यांनी राज्यपाल सी.पी.राधाकृष्णन यांच्याकडे दिला मुख्यमंत्री पदाचा राजीनामा....!

🌟देवेंद्र फडणवीस-अजित पवार यांच्या उपस्थितीत मुख्यमंत्री शिंदे यांनी राज्यपालांकडे राजीनामा सोपवला🌟

🌟राज्याचे काळजीवाहू मुख्यमंत्री म्हणून एकनाथ शिंदे यांना राज्यपालांनी दिले पत्र🌟 

(पुढील मुख्यमंत्रीपदी माजी मुख्यमंत्री देवेंद्र फडणवीस यांची निवड होणार की पुन्हा एकदा एकनाथ शिंदेच मुख्यमंत्री होणार याकडे महाराष्ट्रासह संपूर्ण देशाचे लागले लक्ष ; चर्चांना उधाण)

 ✍️ मोहन चौकेकर 

मुख्यमंत्री एकनाथ शिंदे  यांनी मुख्यमंत्रि‍पदाचा राजीनामा दिला आहे. उपमुख्यमंत्री देवेंद्र फडणवीस आणि उपमुख्यमंत्री अजित पवार यांच्या उपस्थितीत राज्यपाल सी.पी.राधाकृष्णन यांच्याकडे एकनाथ शिंदेंनी आज राजीनामा  सुपूर्द केला. तर पुढील मुख्यमंत्रीची निवड होईपर्यंत नवीन मुख्यमंत्र्यांचा शपथविधीहोईपर्यंत काळजीवाहू मुख्यमंत्री म्हणून काम पाहण्याची राज्यपाल सीपी राधाकृष्णन यांनी एकनाथ शिंदेंना सूचना केली आहे. महाराष्ट्र विधानसभेचा कार्यकाळ आज संपत असल्याने एकनाथ शिंदे यांनी मुख्यमंत्रिपदाचा राजीनामा दिला. मुख्यमंत्र्यांचा राजीनामा हा संपूर्ण मंत्रिमंडळाचा राजीनामा असतो. त्यामुळे मुख्यमंत्री यांनी राजीनामा दिल्यानंतर सर्व मंत्रीमंडळाचा राजीनामा घटनेनुसार मानला जातो.

* राज्याचे काळजीवाहू मुख्यमंत्री म्हणून एकनाथ शिंदेंची नियुक्ती, राज्यपालांनी दिलं पत्र :-

मुख्यमंत्री एकनाथ शिंदे यांनी राज्यपाल सीपी राधाकृष्णन यांना भेटून मुख्यमंत्रीपदाचा राजीनामा दिला. राज्यपालांनी हा राजीनामा स्वीकारून नवीन मुख्यमंत्र्यांची नियुक्ती होईपर्यंत शिंदे यांची काळजीवाहू मुख्यमंत्री म्हणून नियुक्ती करत असल्याचे पत्र त्यांना सुपूर्द केले. यावेळी उपमुख्यमंत्री देवेंद्र फडणवीस, उपमुख्यमंत्री अजित पवार, दीपक केसरकर, दादाजी भुसे आणि चंद्रकांत रघुवंशी हे देखील उपस्थित होते. दरम्यान, महाराष्ट्र विधानसभा निवडणूक निकाल 2024 जाहीर झाला आहे. महाराष्ट्रातील मतदारांनी भाजप, शिवसेना आणि राष्ट्रवादी यांच्या महायुतीला एकतर्फी बहुमत दिलं आहे. महायुतीने 236 जागांवर विजय मिळवला. विधानसभेच्या निकालानंतर आता मुख्यमंत्री कोणा होणार, याची चर्चा रंगली आहे. याचदरम्यान भाजपच्या केंद्रीय नेतृत्वाने देवेंद्र फडणवीस यांचं नाव मुख्यमंत्रिपदासाठी निश्चित केल्याचं सूत्रांच्या हवाल्यानं सांगण्यात येत आहे.

* राज्याचे मुख्यमंत्री एकनाथ शिंदे यांनी 30 जून 2022 रोजी घेतली होती मुख्यमंत्री पदाची शपथ :-

शिवसेना पक्षातील ऐतिहासिक फुटीनंतर एकनाथ शिंदे हे शिवसेनेच्या 40 आमदारांना सोबत घेऊन सत्तेत सामील झाले होते. 20 जून रोजी विधानपरिषदेची निवडणूक पार पडल्यानंतर शिंदे नॉट रिचेबल झाले होते. विधानसभेतून ठाणे, मग सुरत, त्यानंतर गुवाहाटी असा प्रवास करत ते मुंबईत परतले  होते.  यानंतर त्यांनी उपमुख्यमंत्रीपद मिळेल, अशी चर्चा सुरु असताना महायुतीने एकनाथ शिंदे यांना अचानक  मुख्यमंत्रीपदी बसवत सर्वांनाच आश्चर्याचा धक्का दिला होता. एकनाथ शिंदे यांनी 30 जून 2022 रोजी मुख्यमंत्रि‍पदाची शपथ घेतली होती.

* राजीनामा देण्याआधी मुख्यमंत्री एकनाथ शिंदे काय म्हणाले ? :-

महायुतीच्या प्रचंड विजयानंतर राज्यात पुन्हा एकदा आपले सरकार स्थापन होणार आहे. महायुती म्हणून आपण एकत्रित निवडणूक लढवली आणि आजही एकत्रच आहोत. माझ्यावरील प्रेमापोटी काही मंडळींनी सर्वांना एकत्र जमण्याचे, मुंबईत येण्याचे आवाहन केले आहे. तुमच्या या प्रेमासाठी मी अत्यंत मनापासून ऋणी आहे. मात्र अशा पद्धतीने माझ्या समर्थनार्थ कुणीही एकत्र येऊ नये, असे आवाहन मी करतो. पुन्हा एकदा माझी नम्र विनंती की शिवसेनेच्या कार्यकर्त्यांनी वर्षा निवासस्थान किंवा अन्य कुठेही एकत्र जमू नये. समर्थ आणि समृद्ध महाराष्ट्रासाठी महायुती भक्कम होती आहे आणि यापुढेही भक्कमच राहील, असं ट्विट एकनाथ शिंदे यांनी केलं आहे.दिल्लीमध्ये काल व आज झालेल्या बैठकीत भाजपाश्रेष्टींनी यावेळी भाजपाच्या जास्त जागा निवडून आल्यामुळे देवेंद्र फडणवीस यांची मुख्यमंत्रीपदी नियुक्ती करण्याचा निवड करण्याचा निर्णय घेतला असल्याचे समजते.महाराष्ट्राच्या पुढील मुख्यमंत्रीपदी माजी मुख्यमंत्री देवेंद्र फडणवीस यांची वर्णी लागणार निवड होणार कि पुन्हा एकदा एकनाथ शिंदे यांचीच वर्णी लागणार  निवड होणार याकडे  महाराष्ट्रासह संपूर्ण देशाचे लक्ष लागले आहे.सध्या राजकीय क्षेत्रात, राजकीय नेत्यांमध्ये, कार्यक्रत्यांसह नागरिकात जनतेमध्ये चर्चांना उधाण आले आहे.......

 ✍️ मोहन चौकेकर