🌟परभणी विधानसभा मतदारसंघात गुरुवार दि.१४ नोव्हेंबर पासून गृहभेट मतदान प्रक्रियेला झाला प्रारंभ....!

🌟जिल्हाधिकारी रघुनाथ गावडे स्वतः गृह मतदान करुन घेण्यासाठी मतदारांच्या घरी🌟

परभणी : परभणी विधानसभा मतदारसंघात काल गुरुवार दि.१४ नोव्हेंबर २०२४ पासून गृहभेट मतदान प्रक्रियेला प्रारंभ झाला असून ८५ वर्षांवरील व्यक्ती व दिव्यांग मतदारांसाठी निवडणूक आयोगाने दिलेल्या निर्देशाप्रमाणे परभणी विधानसभा मतदारसंघात दस्तुरखुद्द जिल्ह्याचे जिल्हाधिकारी तथा जिल्हा निवडणूक अधिकारी रघुनाथ गावडे यांनी स्वतः प्रभावती नगरातील ज्येष्ठ नागरिक कमलाकर कातनेश्‍वरकर वय ९३ वर्ष व  कुसुम कमलाकर कातनेश्‍वरकर वय ८७ वर्षं यांची निवासस्थानी भेट घेवून या वयोवृध्द दाम्पत्याद्वारे रितसर मतदान करवुन घेतले.

             तालुक्यातील मौजे धर्मापूरी येथील दिव्यांग मतदार माधव प्रभाकर कदम यांनीही जिल्हाधिकारी गावडे यांच्या उपस्थितीत  गृहभेटीतून मतदान केले. दरम्यान, मतदान केल्याबद्दल जिल्हाधिकारी गावडे यांनी या मतदारांचे अभिनंदन करुन आभार व्यक्त केले.  यावेळी उपजिल्हा निवडणूक अधिकारी  जनार्धन विधाते, टपाली मतदान कक्षप्रमुख गणेश चव्हाण, मंडळ अधिकारी विकास आगलावे व गृहभेट मतदान पथक हजर होते. गृहभेट मतदानाकरीता परभणी विधानसभा मतदारसंघात सहा पथके स्थापन करण्यात आली आहेत. सदर मतदान पथके संबंधित मतदारांच्या घरोघरी जाऊन निवडणूक नियमांचे पालन करून त्यांचे मतदान करून घेत आहेत.......