🌟गंगाखेड विधानसभेचे महायुती पुरस्कृत रासपचे एकमेव आमदार डॉ रत्नाकर गुट्टें यांना मंत्रिमंडळात स्थान मिळेल काय ?

🌟गंगाखेड विधानसभा मतदारसंघासह संपूर्ण परभणी जिल्ह्याचे लागले राज्यातील मंत्रीमंडळ स्थापणेकडे लक्ष🌟

✍️विशेष वृत्त :- चौधरी दिनेश (रणजित)

परभणी (दि.२९ नोव्हेंबर २०२४) :- राज्यातील सत्ताधारी भाजप-शिवसेना (शिंदे)-राष्ट्रवादी कॉंग्रेस पक्षाच्या संयुक्त महायुती सरकारचे खंदे समर्थक असलेले व नुकत्याच झालेल्या विधानसभा निवडणुकीत महायुती पुरस्कृत उमेदवार म्हणून राष्ट्रीय समाज पक्षाच्या तिकिटावर सव्वीस हजारांच्या वर मताधिक्याने गंगाखेड विधानसभा मतदारसंघातून सलग दुसऱ्यांदा निवडून आलेले रासपचे एकमेव आमदार डॉ रत्नाकर गुट्टे यांना राज्यातील सत्ताधारी महायुती सरकारच्या मंत्रीमंडळात मंत्रीपदाचा सन्मान मिळेल काय ? असा प्रश्न गंगाखेड विधानसभा मतदारसंघासह संपूर्ण जिल्ह्यातील जनसामान्यांत उपस्थित होत आहे.

परभणी जिल्ह्यात सतत चर्चेत असणारा एकमेव मतदारसंघ असलेल्या गंगाखेड विधानसभा मतदारसंघात मागील सन २०१९ मध्ये झालेल्या विधानसभा सार्वत्रिक निवडणुकीत कारागृहातून निवडणूक लढवून विरोधकांना धोबीपछाड देत डॉ रत्नाकर गुट्टे यांनी ऐतिहासिक विजय प्राप्त करुन संपूर्ण राज्यातील राजकीय क्षेत्रात खळबळ माजवली होती नुकत्याच झालेल्या विधानसभा निवडणुकीत देखील आमदार डॉ रत्नाकर गुट्टे यांनी तब्बल दुसऱ्यांदा महाविकास आघाडीसह वंचित बहुजन आघाडीच्या उमेदवारांना धोबीपछाड देत सव्वीस हजारांच्या वर मताधिक्य मिळवून विजय संपादन केला असून ते राष्ट्रीय समाज पक्षांकडून निवडणूक लढवून निवडून येणारे व राज्यातील सत्ताधारी महायुती विशेषकरून भाजपा नेते तथा उपमुख्यमंत्री देवेंद्र फडणवीस यांचे खंदे समर्थक एकमेव आमदार असल्याने त्यांचा देखील राज्य मंत्रीमंडळात समावेश होण्याची शक्यता वर्तवली जात असून महायुती सरकारच्या मंत्रीमंडळात त्यांची वर्णी लागल्यास आगामी काळात परभणी जिल्ह्यातील महाविकास आघाडीसह राजकीय विरोधक राजकीय वर्तुळातून निश्चितच हद्दपार होतील अशी शक्यता नाकारता येत नाही.

राज्याचे विद्यमान उपमुख्यमंत्री व आगामी मुख्यमंत्री देवेंद्र फडणवीस आपल्या मंत्रीमंडळात आमदार डॉ रत्नाकर गुट्टे यांना सन्मानपूर्वक मंत्रीपद बहाल करतील अशी अपेक्षा परभणी जिल्ह्यातील सर्वसामान्य जनतेसह महायुतीतील पदाधिकारी/कार्यकर्त्यांतून व्यक्त केली जात आहे........