🌟परभणी-वसमत महामार्गावरील असोला शिवारात झालेल्या भिषण अपघातात एकाच कुटुंबातील तीघांचा दुर्देवी मृत्यू....!

🌟भिषण अपघातात पती पत्नीसह अकरा वर्षाच्या मुलाचाही दुर्देवी मृत्यू🌟 

परभणी :  परभणी-वसमत या राष्ट्रीय महामार्गावरील असोला शिवारात आज रविवार दि.१० नोव्हेंबर २०२४ रोजी दुपारी ०३.०० वाजेच्या सुमारास ट्रॅक्टर व दुचाकीच्या जोरदार धडकेत एकाच कुटूंबातील तिघांचा जागेवरच मृत्यू झाल्याची दुर्दैवी घटना घडली.

हिंगोली जिल्ह्यातील औंढा तालुक्यातल्या अंजनवाडी येथील एकनाथ बाबाराव घुगे वय ३६ वर्ष,शुभांगी एकनाथ घुगे वय ३० वर्षं पती पत्नी व मुलगा समर्थ एकनाथ घुगे वय ११ वर्ष हे तीघे एम.एच.३८ ए.सी.८३७१ या क्रमांकाच्या मोटारसायकलवरून आपल्या गावाकडे जात असतांना असोला शिवारात परभणीकडे जाणार्‍या एका ट्रॅक्टरबरोबर या दुचाकीची जोरदार धडक झाली. त्यात तिघांचा जागीच मृत्यू झाला सदरील घटनेची माहिती मिळताच ताडकळस पोलिसांनी घटनास्थळी धाव घेतली सहाय्यक पोलिस निरीक्षक गजानन मोरे, उपनिरीक्षक शिवकांत नागरगोजे यांच्यासह अन्य कर्मचार्‍यांनी तात्काळ घटनास्थळी धावून मदतकार्य सुरु केले.....