🌟मुंबई येथील वानखेडे स्टेडियमवर होणार राज्यातील महायुती सरकारचा ऐतिहासिक शपथविधी सोहळा.....!

🌟शिवसेना आमदार बालाजी कल्याणकर यांनी दिला या वृत्ताला दुजोरा🌟

 मुंबई :- महाराष्ट्र राज्यातील नेमक्याच झालेल्या विधानसभा निवडणुकीचा निकाल लागला असून या निवडणुकीत राज्यातील मुख्यमंत्री एकनाथ शिंदे व उपमुख्यमंत्री देवेंद्र फडणवीस उपमुख्यमंत्री अजित पवार यांच्या नेतृत्वाखालील सत्ताधारी महायुतीने रिकॉर्डब्रेक विजय संपादन केला आहे. 

या निवडणुकीत सत्ताधारी महायुती व विरोधी पक्षांच्या महाविकास आघाडी यांच्यात थेट झालेल्या लढाईत राज्यातील सत्ता कोण हस्तगत करणार याकडे संपूर्ण देशाचे लक्ष लागलं होते अखेर शनिवार दि.२३ नोव्हेंबर २०२४ रोजी निवडणुकीचा निकाल जाहीर झाला असून राज्यातील सत्ताधारी महायुतीवर राज्यातील मतदारांनी संपूर्ण विश्वास व्यक्त करीत स्पष्ट बहुमत दिले आहे या विधानसभा निवडणुकीत महायुतीला २८८ पैकी २३६ जागांवर विजय मिळाला आहे तर विरोधी महाविकास आघाडीला केवळ ४९ जागा जिंकता आल्या असून महायुतीतील घटक पक्ष असलेल्या भारतीय जनता पार्टीला सर्वात जास्त १३२,शिवसेनेला (शिंदे) ५७,राष्ट्रवादी काँग्रेस पार्टीला (अजित पवार) ४१ जागा मिळाल्या आहेत तर विरोधी महाविकास आघाडीत शिवसेनेला (ठाकरे) २०, काँग्रेसला १६ व राष्ट्रवादी काँग्रेस पार्टीने १० जागा जिंकल्या आहेत. दरम्यान, राज्यातील जनतेने स्पष्ट बहुमत दिल्यानंतर आता महायुतीकडून सरकार स्थापनेच्या हालचाली सुरू झाल्या असून विद्यमान विधानसभेची मुदत दि.२६ नोव्हेंबर २०२४ पर्यंतच असल्याने तत्पूर्वी नवं सरकार स्थापन करणं अपेक्षित आहे. २६ नोव्हेंबरपर्यंत नवं सरकार स्थापन झालं नाही तर राज्यात राष्ट्रपती राजवट लागू केली जाऊ शकते. त्यामुळे महायुती २६ नोव्हेंबर पर्यंत सरकार स्थापन करण्याचा प्रयत्न करेल अशी शक्यता वर्तवली जात होती अखेर या बातम्यांवर आता शिक्कामोर्तब झालं आहे. शिवसेना आमदार बालाजी कल्याणकर यांनी या वृत्ताला दुजोरा दिला आहे..

🌟मुंबई येथील वानखेडे स्टेडियमवर होणार राज्यातील नव्या महायुती सरकारचा ऐतिहासिक शपथविधी :-

भारतीय जनता पार्टी राज्यातील सर्वात मोठा पक्ष ठरला असून राज्यपाल या पक्षाला सत्तास्थापनेसाठी आमंत्रित करू शकतात. दरम्यान, अनेक वृत्तवाहिन्यांनी सूत्रांच्या हवाल्याने बातम्या प्रसिद्ध केल्या आहेत की मुंबईतील वानखेडे स्टेडियमवर नव्या सरकारचा शपथविधी होईल.....