🌟इंडियन रिपोर्टर्स असोसिएशन तर्फे पत्रकारांसाठी विशेष कार्यशाळांचे आयोजन.....!

🌟महाराष्ट्र प्रदेश अध्यक्ष मदन कोल्हे यांची महत्वपूर्ण  घोषणा🌟 

मुंबई :- इंडियन रिपोर्टर्स असोसिएशन चे महाराष्ट्र प्रदेश अध्यक्ष मदन कोल्हे यांनी पत्रकारांच्या हक्कांच्या रक्षणासाठी आणि  सशक्तिकरणासाठी,विशेष कार्यशाळांचे आयोजन करणार असल्याची महत्वपूर्ण घोषणा केली आहे. 

जेष्ठ पत्रकार मदन कोल्हे यांनी सांगितले की  "महाराष्ट्रातील पत्रकारांनी एकत्र येऊन आपले हक्क रक्षण करावेत. इंडियन रिपोर्टर्स असोसिएशन चा उद्देशच पत्रकारांची सुरक्षा आणि त्यांच्या व्यावसायिक समस्यांबाबत जनजागृती करणे आहे." त्यांनी पुढे बोलतांना सांगितले की, असोसिएशन चा पत्रकारांना आवश्यक ती मदत आणि सुरक्षा प्रदान करण्याचा कायम प्रयत्न सुरू राहील. 

पुढील काही महिन्यांत असोसिएशन पत्रकारांसाठी विशेष कार्यशाळा आयोजित करेल. या कार्यशाळांमध्ये माध्यम सुरक्षा, नवीनतम तांत्रिक प्रगती, आणि डिजिटल मिडिया पालन यावर विशेष लक्ष दिले जाईल.

या कार्यशाळांमध्ये अनुभवी पत्रकार, मीडिया तज्ञ आणि तांत्रिक तज्ञांना आमंत्रित केले जाईल. हे तज्ञ पत्रकारांना डिजिटल मिडियाच्या सुरक्षा उपाय, फेक न्यूजवर मात करण्याचे तंत्र, आणि ऑनलाइन प्लेटफॉर्मवर सुरक्षित राहण्याचे मार्गदर्शन करतील. महाराष्ट्र प्रदेशाध्यक्ष, जेष्ठ पत्रकार मदन कोल्हे यांनी सांगितले की, इंडियन रिपोर्टर्स एसोसिएशन लवकरच एक हेल्पलाइन सेवा सुरू करणार आहे, जी पत्रकारांना आपत्कालीन परिस्थितीत तत्काळ सहाय्य प्रदान करेल.

या कार्यक्रमात अनेक वरिष्ठ पत्रकार, संपादक आणि मीडिया क्षेत्रातील प्रसिद्ध व्यक्ती उपस्थित होत्या. अखेरीस, पत्रकारितेच्या क्षेत्रात उत्कृष्ट योगदान देणाऱ्या पत्रकारांना सन्मानित करण्यासाठी एक विशेष पुरस्कार समारंभ देखील होणार असल्याचे जाहीर करण्यात आले.....