🌟पुर्णेकरांनो येणाऱ्या काळातही भुमिपुत्र म्हणून तुमच्याशी माझी अतुट बांधिलकी राहील : दंगलीचा आरोप निराधार - विशाल कदम

🌟महाविकास आघाडी उमेदवार विशाल कदम यांच्या प्रचारार्थ आयोजित महाजनसंपर्क पदयात्रेला मिळाला प्रचंड प्रतिसाद🌟 

पुर्णा (दि.१७ नोव्हेंबर २०२४) :- गंगाखेड विधानसभा मतदारसंघातील महाविकास आघाडीचे अधिकृत उमेदवार विशाल विजयकुमार कदम यांच्या प्रचारार्थ आज रविवार दि.१७ नोव्हेंबर रोजी सकाळी ०८.०० वाजता पुर्णा शहरात भव्य महा जनसंपर्क पदयात्रेचे आयोजन करण्यात आले होते या भव्य महा जनसंपर्क पदयात्रेची सुरुवात शहरातील डॉ.बाबासाहेब आंबेडकर नगर कमान येथून करण्यात आली महा जनसंपर्क पदयात्रेला सुरुवात करण्यापूर्वी पर्णेचे भुमिपुत्र महाविकास आघाडी उमेदवार विशाल विजयकुमार कदम यांनी महापुरुषांसह थोरामोठ्यांचे आशिर्वाद घेतले.

पुर्णा शहरातील डॉ बाबासाहेब आंबेडकर नगर येथील कमान येथून असंख्य चाहत्यांसह महाविकास आघाडीतील घटक पक्ष असलेल्या राष्ट्रवादी काँग्रेस शरदचंद्र पवार पक्ष, अखिल भारतीय काँग्रेस पार्टी, शिवसेना (उध्दव बाळासाहेब ठाकरे) गटाचे पदाधिकारी, लोकप्रतिनिधी,कार्यकर्त्यांसह शिवसैनिकांच्या उपस्थितीत निघालेली महा जनसंपर्क पदयात्रा शहरातील सिध्दार्थनगर,रेल्वे कॉर्टर परिसर,माता रमाई नगर,नालंदा नगर,हरिनगर,पंचशील नगर विजय नगर, कुंभार गल्ली परिसर,भिम नगर, साहित्य सम्राट लोकशाहीर डॉ.अण्णाभाऊ साठे नगर,कोळी गल्ली परिसर,छत्रपती शिवाजी नगर,शहिद सरदार भगतसिंग चौक,सराफा बाजार, शिवतीर्थ छत्रपती शिवाजी महाराज स्मारक परिसर, महात्मा बसवेश्वर चौक परिसर,डॉ बाबासाहेब आंबेडकर चौक परिसर आदी परिसरातून तमाम मतदार जनतेचा आशिर्वाद  मिळवण्यासाठी काढण्यात आलेल्या जनसंपर्क पदयात्रेचे जागोजागी पुष्पवृष्टी करुन भव्य स्वागतासह महाविकास आघाडीचे तरुण तडफदार उमेदवार तथा पुर्णेचे भुमिपुत्र यांचे माता-भगिनींनी औक्षण देखील केले या महा जनसंपर्क पदयात्रेचा समारोप डॉ बाबासाहेब आंबेडकर चौक येथील डॉ बाबासाहेब आंबेडकर यांच्या पुतळ्यास अभिवादन करुन करण्यात आला यावेळी उपस्थित जनसमुदायाला संबोधित करतांना विशाल कदम म्हणाले की पुर्णेचा भुमिपुत्र या नात्याने येणाऱ्या काळातही तमाम पुरणेकरांशी माझी अतुट बांधिलकी राहील माझ्यावर विरोधकांकडून वेळोवेळी होणारा दंगल घडवल्याचा आरोप निराधार असून आज या जनसंपर्क पदयात्रेत प्रचंड संख्येने सहभागी झालेला सर्वधर्मीय सर्व समाज बांधवांचा जनसमुदाय मी निष्कलंक असल्याची पावती असून मी माझ्या उभ्या आयुष्यात कधीही जातीभेदाला यत्किंचितही थारा दिला दिला नाही असेही यावेळी विशाल कदम म्हणाले पुढे बोलतांना ते म्हणाले की येणाऱ्या २० नोव्हेंबर २०२४ रोजी विधानसभेसाठी मतदान होणार असून यावेळी आपणास एक भुमिपुत्र व आपल्या हक्काचा मानूस म्हणून जाती धर्माच्या पलीकडे जाऊन माझ्या मशाल या चिन्हावर मतदान करुन मला राज्याच्या विधानसभेत पाठवायचे आहे.येणाऱ्या २० तारखेला आपण प्रचंड मताधिक्याने मला विजयी करणारच हा माझा आत्मविश्वास मला आहे असेही महाविकास आघाडीचे उमेदवार विशाल कदम म्हणाले.

यावेळी महविकास आघाडीतील मित्रपक्षांसह राष्ट्रीय काँगेस,राष्ट्रवादी काँग्रेस शरदचंद्र पवार पक्ष आणि शिवसैनिक कार्यकर्ते आदींसह सर्व धर्मीय नागरिक,अबाल वृद्ध मोठ्या संख्येने सहभागी झाले होते ही महा जनसंपर्क पदयात्रा यशस्वी करण्यासाठी शिवसेना माजी नगराध्यक्षा प्रतिनिधी माजी नगर सेवक संतोष एकलारे,इलियास अत्तार,सुनील ठाकूर,शंकर पुंडगे, उत्तम बोबडे, वाहिद कुरेशी,पांडुरंग कदम,ज्येष्ठ शिवसैनिक अप्पाराव कदम, सलिंम भाई,नासिर थारा,बाबूभाई साबुंनवाले आदी बालाजी देसाई, विधानसभा प्रमुख, शाहजी देसाई राष्ट्रावादी, प्रल्हाद पारवे, अशोक बोकारे, श्रीधर पारवे, निखिल धमणगावे, अहमद भाई, जाकीर भाई कुरेशी, अमजद नुरी, अयुब कुरैशी, युवानेते संदीप ढगे, शहरप्रमुख मुंजा कदम, काशिनाथ काळबांडे, बालाजी खैरे, नारायण पिसाळ, शंकर गलांडे, प्रवीण गायकवाड, रवी गायकवाड, शामराव कदम, रमेश ठाकूर, ऍड राज भालेराव, आदींसह सर्व धर्मीय आणि सर्वपक्षीय नागरिक मोठया संख्येने सहभागी झाले होते....