🌟पुर्णेतील महाराष्ट्र बँक शाखाधिकारी कच्छवेंच्या अनागोंदी कारभाराचा आणखी एक प्रकार उघडकीस...‌‌!

🌟महाराष्ट्र बँक प्रशासनाने तालुक्यातील वाई/लासीना गावांसाठी नियुक्त बँकींग करस्पॉंडींग एजंडचा नियमबाह्य बँकेतच ठिय्या🌟 

पुर्णा (विशेष वृत्त) :- पुर्णा शहरातील महावीर नगर परिसरात असलेल्या महाराष्ट्र बँकेचे शाखाधिकारी चंद्रकांत कच्छवे यांच्या अनागोंदी व बेजबाबदार कारभार दिवसेंदिवस उजेडात येत असून महाराष्ट्र बँकेमार्फत आपला आर्थिक व्यवहार करणाऱ्या बँक खातेदार/ग्राहकांना त्यांच्या अनागोंदी व बेजबाबदार कारभाराचा सातत्याने मनस्ताप सहन करावा लागत आहे

महाराष्ट्र बँकेचे एटीएम सुविधा केंद्र मागील अकरा महिन्यांपासून बंद अवस्थेत असल्याने महाराष्ट्र बँकेच्या एटीएम धारकांना आपला व्यवहार अन्य बँकांच्या एटीएम सुविधा केंद्रामार्फत तर करावा लागतच आहे त्याहीपेक्षा गंभीर बाब म्हणजे नवीन एटीएम धारकांना पिनकोड जर्नेट करण्यासाठी डायरेक्ट परभणी/नांदेडचा रस्ता धरावा लागत आहे हा शाखाधिकारी चंद्रकांत कच्छवेंचा बेजबाबदार व अनागोंदी कारभार नव्हे काय ? शाखाधिकारी कच्छवे यांनी महाराष्ट्र बँक शाखाधिकारी पदाचा पदभार स्वीकारल्यानंतर अकार्यक्षम बँकेत सुरक्षारक्षक नेमण्याच्या दृष्टीने पावल उचलन अपेक्षित होतं परंतु याकडे देखील शाखाधिकारी कच्छवे यांनी सपशेल दुर्लक्ष केल्याने महाराष्ट्र बँकेत दोन वेळेस बँक खातेदार/ग्राहकांच्या रक्कम पळवण्याच्या तर एकवेळ रक्कम पळवण्याचा प्रयत्न झाल्याच्या घटना घडल्या यास सर्वस्वी शाखाधिकारी कच्छवेंचा अनागोंदी कारभार जवाबदार नव्हे काय ?

महाराष्ट्र बँक शाखाधिकारी चंद्रकांत कच्छवे यांच्या अनागोंदी बेजबाबदार कारभाराचे सर्वात मोठे आणखी एक उदाहरण समोर आले असून महाराष्ट्र बँक प्रशासनाने दत्तक घेतलेल्या तालुक्यातील वाई लासीना गावांसाठी नियुक्त केलेला बँकींग करस्पॉंडींग एजंड अर्थात बँक मित्र शाखाधिकारी कच्छवेनी यांनी चक्क स्वतःच्या सोईसाठी महाराष्ट्र बँकेतच बसवून घेतल्याने महाराष्ट्र बँकने दत्तक घेतलेल्या अनेक गावांतील बँक खातेदार/ग्राहक कर्जदार शेतकरी यांना आपली असंख्य महत्त्वाची कामे सोडून पुर्णेतील महाराष्ट्र बँकेत यावे लागत आहे त्यामुळे बँकेत मोठ्या प्रमाणात गर्दी होत असून या गर्दीचा फायदा घेऊन चोरटे बँक ग्राहकांच्या रक्कमेवर डाव साधतांना पाहावयास मिळत आहे बँक नियमानुसार बँकींग करस्पॉंडींग एजंड अर्थात बँक मित्र नियुक्त केलेल्या गावातच असायला हवा ज्याने करून बँक खातेदार ग्राहकांना रक्कम काढण्यासाठी किंवा रक्कमेचा भरणा करण्यासाठी किंवा नवीन खाते ओपन करण्यासाठी अडचण भासणार नाही त्याशिवाय बँक खातेदार ग्राहकांच्या सुविधेसाठी बँक प्रशासनाकडून संबंधित बँकींग करस्पॉंडींग एजंड अर्थात बँक मित्राला रक्कम दिली जाते या आवक/जावक रक्कमेचा हिशोब त्याला बँक बंद होण्यापूर्वी बँक प्रशासनाला अर्थात जवाबदार शाखाधिकारी यांना देणे बंधनकारक असते महत्वाची बाब म्हणजे बँकींग करस्पॉंडींग एजंड अर्थात बँक मित्राची नियुक्ती जर मुख्य शाखेच्या ठिकाणी असेल तर त्याला बँकेच्या जवळपास पाचशें मिटर अंतरावर बसणं बंधनकारक असते परंतु पुर्णेतील महाराष्ट्र बॅंक शाखाधिकारी कच्छवे यांनी सर्व नियमांची पायमल्ली करुन वाई लासीना गावांसाठी नियुक्त बँकींग करस्पॉंडींग एजंड अर्थात बँक मित्र डाखोरे यांना महाराष्ट्र बँकेतच बसवल्यामुळे बँकेने दत्तक घेतलेल्या गावातील बँक खातेदार ग्राहकांसह कर्जदार शेतकऱ्यांसह महाराष्ट्र बँकेतील सर्वच खातेदार ग्राहकांना याचा फटका बसत आहे त्यामुळे महाराष्ट्र बँकेच्या वरिष्ठ अधिकाऱ्यांनी या अनागोंदी कारभाराची सखोल चौकशी करुन योग्य ती कारवाई करावी अशी मागणी जनसामान्यांतून होत आहे......