🌟पुर्णा तालुक्यातील ताडकळस मराठी पत्रकार संघाने केला तुषार खरात यांच्यावर झालेल्या खोट्या गुन्ह्यांचा निषेध......!

🌟मराठी पत्रकार संघाच्या वतीने ताडकळस पोलीस स्थानका मार्फत मुख्यमंत्री देवेंद्र फडणवीस यांना पाठवण्यात आले निवेदन🌟

पुर्णा/ताडकळस,(दि.१३ मार्च २०२५) - सातारा येथील पत्रकार तुषार खरात यांच्या विरोधात आकसबुध्दीने दाखल करण्यात आलेले खोटे गुन्हे मागे घेण्यात यावेत तसेच त्यांची त्वरीत सुटका करण्यात यावी अशी मागणी आज ताडकळस मराठी पत्रकार संघाच्या वतीने राज्याचे मुख्यमंत्री तथा गृहमंत्री देवेंद्र फडणवीस यांच्याकडं ताडकळस पोलीस स्टेशनचे सहाय्यक पोलीस निरीक्षक गजानन मोरे यांच्या मार्फत करण्यात आली आहे. सातारा येथील लई भारी या युट्यूब चॅनलचे संपादक तुषार खरात यांच्यावर विनयभंग, अॅट्रॉसिटी, पाच कोटीची खंडणी आदी गंभीर गुन्हे दाखल करण्यात आले आहेत. त्यांना अटक करण्यात आली असून तुषार खरात हे तुरुंगातून बाहेर येवूच नयेत यासाठी ही कारवाई करण्यात आली. त्याच बरोबर या माध्यमातून तमाम पत्रकारांध्ये दशहत निर्माण करण्याचा देखील प्रयत्न झाला आहे. या घटनेचा ताडकळस मराठी पत्रकार परिषद वतीने तीव्र शब्दात निषेध करण्यात आला.  भारतीय जनता पार्टीचे आमदार तथा महाराष्ट्र राज्याचे ग्रामविकासमंत्री जयकुमार गोरे यांच्या विरोधात बातम्या दिल्यानंतर लगेच तुषार खरात यांच्यावर एका पाठोपाठ एक असे गुन्हे दाखल झाले आहेत. हे दाखल करण्यात आलेले खोटे गुन्हे तात्काळ मागे घेण्यात यावेत, तसेच त्यांची त्वरीत सुटका करण्यात यावी अशी मागणी या निवेदनाद्वारे करण्यात

आली आहे.या निवेदनावर ताडकळस मराठी पत्रकार परिषदेचे अध्यक्ष देवानंद नावकिकर,उपाध्यक्ष शमीम पठाण, सचिव मदनराव आंबोरे, मार्गदर्शक शिवाजी शिराळे, लक्ष्मीकांत जवळेकर स्वामी, सल्लागार धम्मपाल हानवते, कोषाध्यक्ष बाळासाहेब राऊत, सहसचिव सचिन सोनकांबळे,सदस्य रमेश रणखांबे,राजेंद्र मगरे ,नितीन पिंपळे यांच्यासह आदींच्या स्वाक्षऱ्या आहेत.....